"ჩვენმა სამხედროებმა ლომებივით იომეს და ხელჩართულ ბრძოლაში გაანადგურეს მოწინააღმდეგე, მტერმა ჩვენს წინაშე დაიჩოქა"- ალიევი გათავისუფლებულ აღდამის რაიონს 26 წლის შემდეგ პირველად ესტუმრა

მსოფლიო - 17:22, 24 Nov, 2020

2005

ილჰამ ალიევი მთიანი ყარაბაღის ტერიტორიაზე სომხური საჯარისო შენაერთებისგან გათავისუფლებულ აღდამის რაიონს 26 წლის შემდეგ პირველად ესტურმა. მისი თქმით, მთელი ამ წლების განმავლობაში მხოლოდ ერთი მიზნით ცხოვრობდნენ, ერთი ოცნებით , რომელიც დაკარგულ ტერიტორიებზე დაბრუნებასთან ასოცირდებოდა.

„ჩვენ გავანადგურეთ სომხური არმია. შეიძლება ითქვას, რომ სომხური არმია უკვე აღარ არსებობს. ჩვენ სამხედრო დამნაშავეები გავანადგურეთ. მე ქალაქ ფიზულიში ერთხელ უკვე ვთქვი და კიდევ ერთხელ მინდა გავიმეორო, რომ ჩვენ გავანადგურეთ ქოჩარიანისა და სარგსიანის არმია. ჩვენ მათ ჩვენი ძალა ვაჩვენეთ. ქოჩარიანი და სარგსიანი ჩვენს წინ მუხლი მოიდრიკეს. ჩვენ გავანადგურეთ სამხედრო დამნაშავეები, ხოჯალის მკვლელები, აზერბაიჯანელმა სამხედროებმა და ოფიცრებმა გაგანადგურეს თქვე“ - აღიშნა ალიევმა.

აზერბაიჯანის ლიდერის თქმით, აღდამის გათავისუფლება ძალზე რთულ სამხედრო ოპერაციასთან იქნებოდა დაკავშირებული, რომლის ფონზეც მათი დანაკარგები საკმაოდ დიდი იქნებოდა.

„აქ თავდაცვის 5 ხაზი იყო და ჩვენ სწორედ აქ გველოდებოდა მტერი. ჩვენ კი ვერ დავუშვებდით იქიდან მიგვეტანა იერიში მტრისთვის, სადაც ისინი უკვე მომზადებულნი იყვნენ, თუმცა მას შემდეგ რაც ჩენ გავათავისუფლეთ ფიზული, ჰადრუთი, და ხოჯავენდის დიდი ნაწილი, ქალაქ შუშასთან ერთად, მტერმა გააცნობიერა რომ, თუ ისინი ტერიტორიას არ დათმობდნენ ისინი საბოლოოდ მაინც განადგურდებოდნენ“ - განაცხადა ალიევმა.

„ჩვენმა მეომრებმა იბრძოლეს ისე, როგორც ლომებმა. მტერი თითქმის ხელჩართულ ბრძოლაში დავამარცხეთ- ქვეითი სამხედროები ხეობების, ტყეებისა და მთების გავლით შევიდნენ ქალაქ შუშაში და გაათავისუფლეს დასახლებული პუნქტი. ქალაქის აღების ოპერაცია კი აუცილებლად შევა ისტორიაში“.