პოლიტიკური პარტია "ტრიბუნის" ლიდერი დავით ჭიჭინაძე, მთავრობის დაწესებული შეზღუდვებს ეხმაურება. მისი შეფასებით, ახალი წლისთვის მთავრობამ მოსახლეობა უნუგეშოდ დატოვა და ცხოვრების უფლებაც კი წაართვეს.
დავით ჭიჭინაძის აღნიშნა, ტრანსპორტზე შეზღუდვის გამო, ადამიანებს ქალაქის ერთი ბოლოდან მეორემდე, ავადმყოფი ნათესავებისთვის საავადმყოფოში საჭმლის მიტანის საშუალებაც არ ექნებათ.
„ერთ–ერთი ასეთი ადამიანი წერდა, რომ – "ვცხოვრობ ქალაქის ერთ ბოლოში და ჩემი ძმა მკურნალობს ქალაქის მეორე ბოლოში საავადმყოფოში და საჭმელი, რითი უნდა მივუტანოო", ეს ხომ რეალობაა, ამ ადამიანს ხომ ტაქსის ფული არ აქვს, ვინმემ დათვალა? მთავრობის ადმინისტრაციაში რეკავს ეს ადამიანი და ტელეფონს არავინ არ იღებს, როგორ უნდა მოგვარდეს ეს ლოკალური პრობლემა?
ადამიანებმა არ იციან, როგორ გაართვან თავიიმ პრობლემებს, რომლებიც ყოველდღიურად მძიმდება. მთავრობამ ეს ქვეყანა უნუგეშოდ დატოვა და როცა ვკითხულობთ ახალი წელი ვისთვის იქნება, ქვეყნის მოსახლეობის 99%–ისთვის არ იქნება. ადამიანებს ცხოვრების უფლება წაართვეს, სოციალურად დაუცველ ადამიანებს ტრანსპორტი წაართვეს. ქვეყანა გაყოფილია, ვიღაცა მაშხალებს გაისვრის, შამპანურს დალევს და მეორე ადამიანს შესაძლოა სინათლის და გათბობის ფულიც კი არ ქონდეს მაგ დროისთვის. ახალი წელი მოდის მხოლოდ და მხოლოდ იმ ადამიანებისთვის, ვისაც ამ ქვეყანასთან შეხება არ აქვს.", – ამბობს ჭიჭინაძე გადაცემაში „დღის სტუმარი“.
მასალის გამოყენების პირობები