სამეგრელო-ზემო სვანეთის პროკურატურამ ადვოკატ რონალდ შონიას საჩივრის საფუძველზე პოლიციის მაღლჩინოსნის წინააღმდეგ გამოძიება დაიწყო.

როგორც შონია აცხადებს, აბაშის სამმართველოს უფროსმა კობა ნარმანიამ მისი უფლებები შეზღუდა, ჩაერია მისი და გამომძიებლის ურთიერთობაში, ხელი შეუშალა შონიასა და მისი დაცვის ქვეშ მყოფი ბრალდებულის კანონით განსაზღვრულ შეხვედრას და შეაფერხა მისი პროფესიული საქმიანობა:

"პოლიციის უფროსი, კანონის დარღვევით, ჩაერია ჩემი და გამომძიებლის ურთიერთობაში, შემიზღუდა უფლებები და ხელი შემიშალა საადვოკატო საქმიანობის განხორციელებაში, არ დამიშვა დაცვის ქვეშ მყოფებთან დაცვის განსახორციელებლად. ვფიქრობ, რომ არის მცდელობა, მიჩქმალონ პოლიციის უფროსის დანაშაული, რომელიც შეეხო ინსტიტუციას და არა კონკრეტულ პიროვნებას", - განაცხადა შონიამ.