პოლიტიკოსი და "ევროპული საქართველოს" ყოფილი წევრი ელენე ხოშტარია კანცელარიასთან გახანგრძლივებული შეზღუდვების გაუქმების მოთხოვნით გამართულ აქციას შეუერთდა.
როგორც ხოშტარია აცხადებს, საზოგადოება კარგად ხვდება, როდის არის შეზღუდვების აუცილებლობა და როდის იყენებს ამ შეზღუდვებს მთავრობა სათავისოდ:
,,ვუერთდები ამ ძალიან ბუნებრივად გაბრაზებული მოქალაქეების თვითორგანიზებულ აქციას. ადამიანები ძალიან კარგად გრძნობენ, როდის არის გარკვეული შეზღუდვების აუცილებლობა და როდის არის ეს ძალაუფლების ბოროტად გამოყენება. ამ განცხადებას, რომ თვენახევარი არაფერი არ გექნებათ იმიტომ, რომ ჩვენ ასე გვინდა, არ აქვს კავშირი ჯანმრთელობაზე ზრუნვასთან.
მსოფლიოში არსებობს უამრავი საშუალება, მათ შორის ტესტირებით რეგულირება, ვაქცინაცია და ხელშეწყობა, რომ იმუშაოს იმ ნაწილმა, რომლისთვისაც ნაკლები პრობლემაა”, - აღნიშნა ელენე ხოშტარიამ.
შეგახსენებთ, რომ დღეს საქართველოს სხვადასხვა ლოკაციაზე შეზღუდვების გაუქმების მოთხოვნით აქციები იმრთება. კანცელარიასთან შეკრებილ აქტივისტებს ხოშტარიას გარდა, ხატია დეკანოიძე, ზურაბ ჯაფარიძე და სხვადასხვა პოლიტიკოსებიც შეუერთდნენ.
მასალის გამოყენების პირობები