"მთელი ღამე არ მიძინია, დილით მეუღლეს ვუთხარი, რომ შტურმი დაიწყო, როცა დარბევისას ბარამიძის სურათი ვნახე ნიკასთან ერთად, აი იქ მივწერე თქვენ გენაცვალეთ-მეთქი"

"მთელი ღამე არ მიძინია, დილით მეუღლეს ვუთხარი, რომ შტურმი დაიწყო, როცა დარბევისას ბარამიძის სურათი ვნახე ნიკასთან ერთად, აი იქ მივწერე თქვენ გენაცვალეთ-მეთქი" - ანზორ მელია

პოლიტიკა - 13:59, 23 Feb, 2021

3105

ნიკა მელიას მამა, ექიმი ანზორ მელია შილის დაკავებაზე პირველ კომენტარს აკეთებს. იგი ყველას მადლობას უხდის მხარდაჭერისთვის და ამბობს, რომ ამაყია, რადგან ნიკა მელიამ ყველა გააერთიანა:
"მე მთელი ღამე არ მიძინია, ვიყავი ფეისბუქზე. დილით როცა ვნახე , მეუღლესაც ვუთხარი, რომ დაიწყო მეთქი. მედნიერი ვარ, მიუხედავად იმისა, რომ ნიკა დაიჭირეს სისხლი არ დაიღვარა. მითხრეს, რომ ერთი მოქალაქე წევს ინგოროყვაში, რომელიც ოფისიდანაა გამმოყვანილი და მოწამლულია ხუთავი გაზით და მძიმე მდგომარეობაშია.

მე ბედნიერი ვიყავი, რომ ნიკასთან ერთად მთელი ღამე სხვადასხვა პარტიების ლიდერები რო იმყოფებოდნენ და ნიკას მხარს უჭერდნენ. დილის საათებში, დარბევისას ბარამიძის სურათი ვნახე ნიკასთან ერთად, აი იქ მივწერე მხოლოდ თქვენ გენაცვალეთ. მე სხვა კომუნიკაცია არ მქონდა. მე არ ვყოფილვარ ოფისში, რადგან ნიკა ჩემს დანახვაზე ყოველთვის ნერვიულობს. 3 დღის წინ დამირეკა იკამ, მითხრა, რომ მხარდამჭერი ჩვენი ოფისიდან თქვენთან დაუწვეიათო, მივხედე და გუშინ გავწერეთ ის ადამიანი. ეს იყო ჩვენი ბოლო კონტაქტი" - განაცხადა ანზორ მელიამ.