ევროპარლამენტის უმწვავესი წერილი საბჭოს პრეზიდენტს: "საქართველოში დაძაბულობამ საშიშ ნიშნულს მიაღწია და კრიზისი აჩენს რისკს, რომ ქვეყანა ევროკავშირთან ასოცირების გზიდან გადაუხვევს"
პოლიტიკა - 23:08, 23 Feb, 2021     2931

ევროპარლამენტარები: პეტრას აუსტერვიჩუსი, ანდრიუს კუბილიუსი, მარკეტა გრეგოროვა, ვიტოლდ იან ვაშჩიკოვსკი, ხავიერ ნარტი და ვიოლა ფონ კარმონი საქართველოში განვითარებულ მოვლენებთან და ნიკა მელიას დაკავებასთან დაკავშირებით ევროპის საბჭოს პრეზიდენტს შარლ მიშელს საქართველოში ვიზიტამდე წერილს სწერენ.

ევროპარლამენტარები შარლ მიშელს მოუწოდებენ გამოიყენოს საქართველოში დაგეგმილი ვიზიტი პოლიტიკურ პარტიებს შორის დიალოგის აღდგენისა და კრიზისის მშვიდობიანი გადაწყვეტის ხელშესაწყობად.

ევროპარლამენტარები თვლიან, რომ საქართველოში არსებული კრიზისი საშიშ ნიშნულს მიუახლოვდა და სახელმწიფოსა და საზოგადოების სტაბილურობას უქმნის საფრთხეს.

მათივე შეფასებით, არსებული კრიზისი საქართველოს მხრიდან ასოცირების ხელშეკრულებით გათვალისწინებული რეფორმების გზიდან გადახვევის მიზეზიც შეიძლება გახდეს - მათივე თქმით, ევროკავშირი არსებულ ვითარებაზე თვალს ვეღარ დახუჭავს, რადგან, რევანშიზმი და ძალის გამოყენება დომინანტურ ტრენდად იქცა.

"ნიუპოსტი" წერილს უცვლელად გთავაზობთ:

"საქართველოში თქვენი აბსოლუტურად დროული ვიზიტის მოახლოებასთან ერთად, ჩვენ, ხელმომწერი ევროპარლამენტარები გწერთ, რათა გამოვხატოთ ჩვენი შეშფოთება პოლიტიკური სიტუაციის სწრაფი გაუარესების გამო ევროკავშირის მნიშვნელოვან ასოცირებულ პარტნიორ ქვეყანაში.

როგორც ევროკავშირთან ასოცირების ხელშეკრულების შესრულების შესახებ ევროპარლამენტის 16 სექტემბრის რეზოლუციაშია აღნიშნული, არსებობდა მოლოდინი, რომ 2020 წლის ოქტომბრის საპარლამენტო არჩევნები დემოკრატიის მიმართ საქართველოს ერთგულებას კიდევ ერთხელ დაადასტურებდა. ამის ნაცვლად, პარლამენტის არჩეული დეპუტატების მესამედი უარს ამბობს პარლამენტში შესვლაზე, არჩევნების გაყალბების გამო. ადგილობრივმა არასამთავრობო ორგანიზაციამ, სამართლიანი არჩევნებისა და დემოკრატიის საერთაშორისო საზოგადოებამ (ISFED) უბნების 8 პროცენტის ოქმებში დისბალანსი დაადგინა, სხვა საარჩევნო დარღვევებთან ერთად. ნაციონალური მოძრაობის ლიდერის, ნიკა მელიას დაკავების შემდეგ, რა დროსაც დახურულ სივრცეში ცრემლსადენი გაზი გამოიყენეს, დაძაბულობამ ქართულ ოცნებასა და ოპოზიციურ პარტიებს შორის უკიდურესად საშიშ ნიშნულს მიაღწია.

ევროკავშირი ვეღარ დახუჭავს თვალს არსებულ სიტუაციაზე, როდესაც ძალის გამოყენება, რევანშიზმი და ომის ზღვარზე დაბალანსების პოლიტიკა დომინანტურ ტრენდად იქცა. პოლიტიკური პოლარიზაცია და დაძაბულობა საზოგადოებასა და სახელმწიფოში საზოგადოებას უქმნის საფრთხეს. უფრო მეტიც, პოლიტიკური კრიზისი ქმნის რისკს, რომ საქართველომ გადაუხვიოს ევროკავშირთან ასოცირების ხელშეკრულებით გათვალისწინებული რეფორმების გზას.

მოგიწოდებთ, გამოიყენოთ საქართველოში დაგეგმილი ვიზიტი პოლიტიკური ძალების წასახალისებლად, რომ განაახლონ მყისიერი მრავალპარტიული დიალოგი, რომელიც თანამშრომლობისა და ინკლუზიური პოლიტიკური გარემოს ხელშემწყობი კონკრეტული მემორანდუმით უნდა დაბოლოვდეს. სისწრაფე და ნება, რომლითაც ქართული პოლიტიკური ელიტა მრავალპარტიულ დიალოგში ჩაერთვება, ასახავს მათ მიზანდასახულობას, განამტკიცონ საქართველოს მიერ გაცხადებული ევროპული მისწრაფებები.

თქვენი იმედი გვაქვს, რომ პარტნიორებს გადასცემთ ჩვენს გზავნილს და დაარწმუნებთ მათ ევროკავშირის ურყევ მხარდაჭერაში, ქართველი ხალხის უსაფრთხო და წარმატებული მომავლის მიმართ. ჩვენი მხრივ, მზად ვართ გავამყაროთ ევროკავშირის დელეგაციისა და სხვა დიპლომატიური წარმომადგენლების მიერ არაერთხელ გამოჩენილი სურვილი შუამავლობისა", - ნათქვამია წერილში.

ცნობისთვის, საქართველოში ევროპის საბჭოს პრეზიდენტის, შარლ მიშელის ვიზიტი 1 მარტს არის დაგეგმილი.





მასალის გამოყენების პირობები

სხვა სიახლეები
Bloomberg: თუ ბაიდენს სურს, რომ ამერიკა დაუბრუნდეს გლობალურ ლიდერობას, მას არ აქვს უფლება დარჩეს ნეიტრალური საქართველოს დემოკრატიული სულისთვის ბრძოლაში
ლედი გაგას ძაღლების მომვლელს ესროლეს და ორი ბულდოგი მოიპარეს – მომღერალი ინფორმაციისთვის 500 000$ იხდის
ავღანეთში ქათმის გრიპის აფეთქება დაფიქსირდა
"ეს განცხადება დასტური იყო, რომ პატიმრობის მოთხოვნა იყო დაუსაბუთებელი" - ომბუდსმენი მელიას გირაოზე
" ძალადობა, აგრესია, ფიზიკური შეურაცხყოფა არის მიუღებელი - მოძალადე დაუსჯელი არ დარჩება" - კალაძე სანაიას მიმართ ძალადობაზე
"მქონდა შემთხვევა, როცა სადარბაზოსთან დამხვდნენ და ფოტოებს მიღებდნენ" - ჟიჟილაშვილი ჟურნალისტების მიმართ ძალადობაზე
რიგგარეშე არჩევნების საფუძველი გუბაზ სანიკიძის და სააკაშვილის განცხადება ვერ იქნება - ვოლსკი
"მელას რაც ესიზმრებოდა, ის ეჩვენებოდა" - ვოლსკი სანქციებზე
"ყოველთვის მზად ვიყავით და ახლაც მზად ვართ, მოლაპარაკების მაგიდასთან ვიყოთ" - მდინარაძე
ექსკლუზივი: "ჯარისკაცები ხალხის წინააღმდეგ არ წავლენ" - ხელისუფლება ჯარზე კონტროლს კარგავს, რატომ ჩამოართვეს სამხედროებს ტელევიზორები?
ბრიტანული შტამის 3 კლასტერი საქართველოში - სავარაუდოდ, 2-3 თვეში ქვეყანაში კორონავირუსის გავრცელებულ ფორმას ახალი ჩაანაცვლებს
"ინტერნიუსი-საქართველო“ გმობს ჟურნალისტ ვახო სანაიასა და მისი ოჯახის წევრებზე თავდასხმას - განცხადება
"სწრაფად გამოიძიეთ ფაქტი და დასაჯეთ დამნაშავეები" - ზურაბიშვილი ვახო სანაიას საქმეზე
"ნიკა მელიას უკანონო დაკავებამ ნათელი გახადა, რომ დავადექით პუტინის გზას" - გიორგი რურუა
საინტერესო ამბები
ბავშვებში კორონავირუსის ახალი სიმპტომები გამოვლინდა - პედიატრი მოსახლეობას აფრთხილებს
დღეს, 02:42
ინფექციურ საავადმყოფოში 1 კრიტიკული და 3 მძიმე პნევმონიის მქონე პაციენტი გვყავს - ეზუგბაია
დღეს, 02:42
ახალციხე შესაძლოა ახალი ინფექციის აფეთქების კერად იქცეს – დღეს ყირიმ–კონგოს ცხელებით 23 წლის ბიჭი დაიღუპა
დღეს, 02:42
პირველი ქართული პროდუქტი ინტერნეტ სამყაროში - #სთექი საქართველოშიც ხელმისაწვდომი ხდება
დღეს, 02:42