მასშტაბური აქცია დედაქალაქსა და რეგიონებში - მოქალაქეები საწვავზე ფასის ზრდას აპროტესტებენ და პრემიერმინისტრ , ირაკლი ღარიბაშვილთან , შეხვედრასაც მოითხოვენ.

საწვავის ფასის შემცირების მოთხოვნით საპროტესტო აქციები იმართება ასევე გორში, ბათუმში, რუსთავსა და თელავში - რუთავში დემონსტრანტებს გადაკეტილი აქვთ სამანქანო გზა.

თბილისში, აქციის მონაწილეები უნივერსიტეტის ქუჩაზე შეიკრიბნენ, საიდანაც გმირთა მოედნისკენ საპროტესტო მსვლელობაა დაგეგმილი.

მოქალაქეები აცხადებენ, რომ ერთი კვირის წინ მათ მიერ გამართული გამაფრთხილებელი აქციის მიუხედავად, საწვავის ფასი შემცირების ნაცვლად, კიდევ უფრო გაიზარდა.

"ძალიან უაზროდ იზრდება ფასები, ჩვენი მოთხოვნის შემდეგ კიდევ მოემატა. პირველ რიგში ვითხოვთ მთავრობასთან საუბარს ორგანიზატორები, რომ შევთანხმდეთ ელემენტარულზე და ხალხს ცოტათი მაინც შევუმციროთ ის ხარჯები, რაც საწვავიდანაც მოდის. კანცელარიაში შეგვაქვს წერილი, გვინდა შევხვდეთ პრემიერს და დაველაპარაკოთ, მისი აზრიც მოვისმინოთ", - განაცხადა აქციის მონაწილე ლაშა ახვლედიანმა.