საკმაოდ უცნაური და არც თუ ისე ხშირი შემთხვევა დაფიქსირდა პენსილვანიის ერთ–ერთ პარკში, სადაც დამსვენებლები საკმაოდ აქტიურად სეირნობენ და დაკავებულნი არიან სხვადასხვა აქტივობით.
ადგილობრივი პოლიციის მიერ გავრცელებული ინფორმაციის თანახმად, 9 აპრილს, მათ მიიღეც ცნობა იმის შესახებ, რომ ერთ–ერთ პარკში, ხეზე გიგანტური გველი იყო შემოხვეული, ამის დასტურს კი წარდგენილი ფოტო წარმოადგენდა.
ადგილზე შესაბამისი სამსახურები დაუყოვნებლივ გაემართნენ, გარკვეული დროის შემდეგ კი მზეზე მონებივრე გიგანტური შავი გველი მართლაც აღმოაჩინეს და ის პენსილვანიის ზოოპარკში გადაიყვანეს.
ქვეწარმავალს შემოწმება ჩაუტარდა, მას არავითარი ტრავმა არ აღენიშნება, მოგვიანებით მას ისევ ბუნებაშუ, თუმცა საზოგადოებისან მოშორებით დააბრუნებენ.
სპეციალისტების დასკვნით, გველი პენსილვანიის ტერიტორიაზე ბინადრობს, თუმცა მისი საზოგადოდ გამოჩენის არც თუ ისე ხშირი ფაქტები არსებობს. ის არის ვირთხებზე მონადირე შავი მახრჩობელა, რომელიც ადამიანებისთვის დიდ საშიშროებას არ წარმოადგენს და არც შხამიანი გველების კატეგორიას მიეკუთვნება.
თუმცა, მიუხედავად ზემოთ აღნიშნულისა, ალბათ არც თუ ისე სასიამოვნო იქნებოდა იმ ადამიანებისთვის ამ სანახაობის ხილვა, რომლებიც პარკში სასიამოვნო დროის გასატარებლად და განსატვირთად იმყოფებოდნენ.
მასალის გამოყენების პირობები