თბილისში, მთაწმინდის მიდამოებში 31 წლის ავსტრალიელ ქალს, შანე ბრუკის ეძებენ.

არსებული ინფორმაციით, ტურისტი ვიდეოკამერებმა ბოლოს გუშინ, 30 ივლისს, თბილისის დროით 15:33 საათზე ვერაზე, სახლიდან გასვლისას დააფიქსირეს. დაახლოებით 1 საათის შემდეგ კი მან WhatsApp-ში მეგობარს დაურეკა და დახმარება ითხოვა. ამბობდა, რომ თავს დაესხნენ.

პოლიცია დაკარგულ ქალს ამ დრომდე ეძებს.

შანეს მეგობრებმა ინფორმაცია სოციალურ ქსელში გაავრცელეს და დახმარებას ითხოვენ. ბრუკი საქართველოში მეგობრებთან ერთად, რამდენიმე დღის წინ ჩამოვიდა.