მან ევოლუციაში დიდი ნახტომი გააკეთა - ექიმები კორონავირუსის სამხრეთაფრიკულ შტამზე

კორონავირუსის ახალი შტამი B1.1.529 აფრიკის ექვს ქვეყანაში აღმოაჩინეს - სამხრეთ აფრიკაში, ბოტსვანაში, ესვატინში, ლესოტოში, ნამიბიასა და ზიმბაბვეში.

სამხრეთ აფრიკელი მეცნიერები აღნიშნავენ, რომ B1.1.529-ს აქვს „მუტაციების ძალიან უჩვეულო ნაკრები“, რომლებიც გაცილებით უფრო მეტია, ვიდრე "ბეტას" და "დელტას" შემთხვევაში. მათ მიაჩნიათ, რომ ცვლილებები დაეხმარება ვირუსს, იყოს უფრო მდგრადი და, შესაძლოა, უფრო სწრაფად გავრცელდეს.

"ეს ვარიაცია, შესაძლოა, უფრო ეფექტურად გავრცელდეს. მას ასევე შეუძლია, იმუნური სისტემის თავდაცვას გვერდი აუაროს”, - ამბობს ინფექციონისტი რიჩარდ ლესელი.

ანალოგიური მოსაზრება გამოთქბვეს დიდი ბრიტანეთის მეცნიერებმა. მათ ახალი ვარიანტი უკვე შეაფასეს, როგორც "ძალიან საშიში". ლონდონის საუნივერსიტეტო კოლეჯის პროფესორმა კრისტინა პაგლმა, აღნიშნა, რომ B1.1.529, შესაძლოა, "დელტაზე" უფრო სწრაფად გავრცელდეს.

სამხრეთ აფრიკის ეპიდემიებზე რეაგირებისა და ინოვაციების ცენტრმა ჯანმოს აცნობა, რომ SARS-CoV-2-ის ახალი ვარიანტი, რომლის სახელწოდებაა B.1.1.529, ძალიან შემაშფოთებელია.

ვირუსმა, ექიმების თქმით, "მეცნიერების გაოცება შეძლო", რადგან მან "ევოლუციაში დიდი ნახტომი გააკეთა".

მას ჰქონდა ბევრად მეტი მუტაცია, ვიდრე ველოდით, განსაკუთრებით "დელტას" ძალიან მძიმე მესამე ტალღის შემდეგ, - აცხადებენ ისინი განაცხადა მეცნიერმა.

სამხრეთ აფრიკაში კორონავირუსის ახალი შტამის B.1.1.529-ის 53 შემთხვევა დადასტურდა. თუმცა, ექსპერტები შიშობენ, რომ, შესაძლოა, ინფიცირებულთა რიცხვი უფრო დიდი იყოს.