ორი ლიდერი ტექ კომპანიის - თიბისისა და Glovo-ს პარტნიორობა ცხოვრების გამარტივებისთვის

გლოვო

Glovo-მ და თიბისიმ სამწლიანი ექსკლუზიური სტრატეგიული პარტნიორობა გააფორმეს. თანამშრომლობა ერთმანეთთან დააკავშირებს რეგიონის ორ უდიდეს მოთამაშეს - ერთი მხრივ, წამყვან ფინანსურ ინსტიტუციასა და უდიდეს ტექ.კომპანია თიბისის და მეორე მხრივ, რეგიონში მიწოდების სერვისის ბაზარზე წამყვან მოთამაშესა და ყველაზე სწრაფად მზარდ სტარტაპს,  Glovo-ს. რეგიონის ორი წამყვანი ტექნოლოგიური კომპანიის პარტნიორობა თავისი მასშტაბით უპრეცედენტოა იმ მხრივაც, რომ მათ მნიშვნელოვანი წვლილი მიუძღვით საქართველოსა და რეგიონში ციფრული ეკოსისტემების განვითარებაში. 

თიბისისა და Glovo-ს პარტნიორობის მიზანია ადამიანების ცხოვრების გამარტივება, რაც შესაძლებელი გახდება Glovo-ს აპლიკაციაში ექსკლუზიური შეთავაზებებითა და თიბისის მომხმარებლებისთვის მიწოდების საუკეთესო სერვისების უზრუნველყოფის გზით. თანამშრომლობა მოიცავს შემდეგ სფეროებს:

· საბანკო მომსახურება Glovo App-ში: თიბისის ონლაინ გადახდის სისტემების ინტეგრაცია Glovo-ს აპლიკაციაში, ელექტრონული კომერცია, ციფრული ბარათები, საბანკო სერვისებისა და პროდუქტების შეთავაზებები

· რა სარგებელს მიიღებს მომხმარებელი: Cashback და Prime Membership-ის აქციები ექსკლუზიურად თიბისის მომხმარებლებისთვის

· სოციალური პროექტები: ერთობლივი სოციალური აქტივობები

· შეიქმნება ახალი ღირებულებები ტრენინგების, ფინანსური განათლებისა და ცნობიერების ამაღლების კამპანიების მეშვეობით

· სტარტაპების, მცირე და საშუალო ბიზნესის/ვაჭრობის მხარდაჭერა

თიბისი და Glovo გაერთიანდნენ საერთო ღირებულებების ირგვლივ, რათა მიწვდნენ და საუკეთესო გამოცდილება შეუქმნან  მომხმარებელებს. ორი ტექ. კომპანია გაერთიანდა ერთი მიზნის ირგვლივ - გაამარტივონ ადამიანების ცხოვრება. ამ შეთანხმებით Glovo და თიბისი იღებენ ვალდებულებას, რომ მხარს დაუჭირენ მცირე და საშუალო ბიზნესების განვითარებას და სოციალური და გარემოსდაცვითი ასპექტების მათ საქმიანობაში ინტეგრირებას, რაც, საბოლოო ჯამში, ხელს შეუწყობს საქართველოს ეკონომიკის  ზრდას.

 

„Glovo უკვე წლებია თიბისის მნიშვნელოვანი პარტნიორია და ეს წარმატებული თანამშრომლობა უფრო ყოვლისმომცველი სტრატეგიული პარნტიორობით გაგრძელდება. თიბისი მაქსიმალურ ინვესტირება მოახდენს ამ პარტნიორობაში, რაც გულისხმობს თიბისის მომხმარებლებისათვის ექსკლუზიურ შეთავაზებებს, მიწოდების სფეროში საუკეთესო  გამოცდილების შექმნას და მხარს დაუჭერს Glovo-ს, რათა კიდევ უფრო დახვეწოს და განავითაროს თავისი აპლიკაცია. როგორც წამყვანი ტექნოლოგიური კომპანია საქართველოში, თიბისი აქტიურად აგრძელებს ინოვაციური ტექნოლოგიური გადაწყვეტების საკუთარ ეკოსისტემაში ინტეგრირების პროცესს, რითიც ადამიანებს ცხოვრებას უმარტივებს. ჩვენი მიზანია, მომხმარებელს ერთობლივად შევუქმნათ ბრენდის საუკეთესო გამოცდილება საუკეთესო სერვისებზე, პროდუქტებზე, შეთავაზებებსა და აქციებზე წვდომის უზრუნველყოფით,“ - აცხადებს, თიბისის გენერალური დირექტორი, ვახტანგ ბუცხრიკიძე.

„Glovo, როგორც მსოფლიოში ერთ-ერთი წამყვანი მულტი კატეგორიული მიწოდების პლატფორმა, ამაყობს თიბისისთან თანამშრომლობით. ჩვენი მიზანია, რომ ყველას მივცეთ მარტივი წვდომა ნებისმიერ პროდუქტსა თუ სერვისზე. ჩვენი პლატფორმა საუკეთესო საშუალებაა  მომხმარებლებისა და ბიზნესის დასაკავშირებლად. გვჯერა, რომ თიბისისთან პარტნიორობა უდიდეს შესაძლებლობებს შექმნის, რომ ადამიანებს გავუმარტივოთ  ცხოვრება სიხარულითა და სიურპრიზებით სავსე განსაკუთრებული შეთავაზებებითა და ფასდაკლებებით,” - აცხადებს Glovo-ს რეგიონული სტრატეგიული დირექტორი, კარიმ ბოგუსპაევი.

Glovo-ს შესახებ:

Glovo არის მოწინავე მულტი კატეგორიული მიწოდების პლატფორმა, რომელიც  მომხმარებლებს ბიზნესთან და კურიერებთან აკავშირებს და სთავაზობს მომხმარებლებს მიწოდების სერვისს ადგილობრივი რესტორნებიდან, სუპერმარკეტებიდან და მაღალი ქუჩის საცალო მაღაზიებიდან. Glovo დაარსდა 2014 წელს ბარსელონაში და მუშაობს ევროპის, ცენტრალური აზიისა და აფრიკის 25 ქვეყანაში. Glovo-ს შესახებ დამატებითი ინფორმაციისთვის, ეწვიეთ https://about.glovoapp.com/en/ 

თიბისის შესახებ:

თიბისი არის წამყვანი ტექნოლოგიური კომპანია კავკასიისა და ცენტრალური აზიის რეგიონში და საქართველოში უმსხვილესი დამსაქმებელი. თიბისის მისიაა ადამიანების ცხოვრების გამარტივება. თიბისი ჯგუფი 2014 წლიდან ლონდონის საფონდო ბირჟაზეა რეგისტრირებული და საკუთარ ეკოსისტემაში აერთიანებს რამდენიმე ტექნოლოგიურ კომპანიას, მათ შორის ნეობანკს Space, TBC Uzbekistan, Tnet და სხვა.

მასალის გამოყენების პირობები
სხვა სიახლეები
ლენტიი
ბაკურიანში, ზვავსაშიშროების გამო, ზვავში მოყოლილი ადამიანის სამძებრო სამაშველო ოპერაციები დროებით შეწყდა

დაბა ბაკურიანში, ზვავში მოყოლილი ადამიანის სამძებრო სამაშველო ოპერაციები, ზვავსაშიშროების გამო დროებით შეწყდა. ამის შესახებ საგანგებო სიტუაციების მართვის სამსახურში გვითხრეს. მათივე ცნობით, სამუშაოები...

საზოგადოება 1711645534

ჩვილი
საქართველოში შობადობა ისტორიულ მინიმუმზეა

ქვეყანაში იმაზე მეტი ადამიანი კვდება, ვიდრე იბადება - საქართველოში შობადობა ისტორიულ მინიმუმზეა. მაგალითისთვის, სხვაობა 2023-სა და 2022 წლებს შორის 2 ათასი იყო. სიკვდილიანობის მაჩვენებელი კი  მნიშვნელ...

საზოგადოება 1711644163

„ტაბულას“ დამფუძნებელი თამარ ჩერგოლეიშვილი
ვიდეო: „ასეთი “სუნიანები” არიან... დაუბანლები” ეთიკურადაც” – თამარ ჩერგოლეიშვილი

ევროპული საქართველოს ერთ–ერთი ლიდერი, თამარ ჩერგოლეიშვილი, აქვეყნებს ვიდეოს და წერს: ამასწინათ ვინმე ლუკა ეხვანია შემეხმიანა პოდკასტში მიწვევდა.დავსერჩე და აღმოვაჩინე, რომ ანტიდასავლური და ანტისემიტურ...

სოცმედია 1711643685

გოკა გაბაშვილი
„სნობებს როგორ უნდა გააგებინო, რომ ამ ,,რაღაცას”ელოდი 42 წელი, 10 თვე და 13 დღე... დარასელიადან - კვეკვესკირამდე“ - გოკა გაბაშვილი

გოკა გაბაშვილი სოცქსელში წერს: ,,აუ კარგით რა! - გეყოფათ ეს ეიფორია! რა მოხდა ამისთანა” - ს განწყობის სნობებს როგორ უნდა გააგებინო, რომ ამ ,,რაღაცას”ელოდი:15 658 დღე!42 წელი, 10 თვე და 13 დღე დარასელი...

სოცმედია 1711641685

სევასტოპილი თვთმფრინავი
სევასტოპოლში რუსებმა სავარაუდოდ, თავისივე Су-35 ჩამოაგდეს

ანექსირებულ ყირიმში, სევასტოპოლის რაიონში რუსული სამხედრო თვითმფრინავი Су-35  ჩამოაგდეს. ინფორმაციას ადგილობრივი Telegram-ის არხები ავრცელებენ. ვიდეოკადრებში ჩანს, რომ თვითმფრინავს ცეცხლი უკიდია და ზღ...

რუსეთ-უკრაინის ომი 1711641588

მგელი
ტურებისა და მგლების დათვლის ტენდერი ჩავარდა

პრეტენდენტების არარსებობის გამო, საქართველოში ტურებისა და მგლების დათვლის ტენდერი ჩავარდა. შეგახსებეთ, რომ ტურის და მგლის პოპულაციების არეალის, რიცხოვნობის შეფასებისა და კლიმატის ცვლილების ფონზე მათი...

საზოგადოება 1711640472