პოლიტიკა • 1642942439
უკრაინა, როგორც დასავლეთის იმიჯის ბარომეტრი - დღეს საერთაშორისო სამყარო რუსეთისგან უკრაინაში შეჭრას ელოდება, ხოლო მსოფლიო საზოგადოება და პოლიტიკური ისტებლიშმენტი დასავლეთის რეაქციას აკვირდება.
რა არის პუტინის მიზანი - ამაზე ქართველი პოლიტიკოსები საკუთარ მოსაზრებებს გამოთქვამენ და დასავლეთის მიერ უკრაინისადმი აღებულ პასუხისმგებლობაზე საუბრობენ, კერძოდ, ეროვნულ-დემოკრატიული პარტიის ლიდერი და საქართველოს პარლამენტის წევრი ბაჩუკი ქარდავა „პუტინის ავანტიურაში“ დასავლეთის ფაქტორზე საუბრისას, ბუდაპეშტის მემორანდუმს იხსენებს და ხაზს უსვამს, რომ „უკრაინის საქმეში ბირთვული იარაღის სუნი აშკარად დგას“.
ბაჩუკი ქარდავას შეფასებას, რომელიც მან „ნიუპოსტთან“ გააკეთა უცვლელად გთავაზობთ:
"პირველ რიგში საკითხის ასე დაყენება - შეიჭრება თუ არა რუსეთი უკრაინაში, არასწორად მიმაჩნია. რუსეთი უკრაინაში უკვე შეჭრილია - ის აკონტროლებს აღმოსავლეთ უკრაინის სოლიდურ ნაწილს, მიტაცებულია უკრაინის უმნიშვნელოვანესი რეგიონი - ყირიმი.
რაც შეეხება პუტინის რეიტინგის კატასტროფული ვარდნის ფონზე, თუ რა მიზანს ემსახურება მის მიერ მთელი რუსეთის ტერიტორიის გავლით, სამხედრო ძალების გადასროლა ევროპის სიღრმეში, უნდა ვეძებოთ ნებისმიერი რუსის ოცნებასა და პუტინის სიტყვებში: მეოცე საუკუნის უდიდესი ტრაგედია საბჭოთა კავშირის დაშლა იყო ...
თუმცა ნურავის ექნება ამის ილუზია - რუსეთს დღეს ეს რესურსი არ გააჩნია.
პუტინი ავანტიურაზე მიდის და მას ეს სჭირდება, თუმცა გაბედავს იმდენს, რამდენის უფლებასაც დასავლეთი მისცემს.
ცხადია, ატომური ომის დაწყებას არავინ აპირებს, მაგრამ ამ საქმეში ბირთვული იარაღის სუნი აშკარად დგას.
ბუდაპეშტის მემორანდუმით, სამი სახელმწიფო - აშშ, ბრიტანეთი და რუსეთი, ბირთვული იარაღის დათმობის სანაცვლოდ, არც მეტი არც ნაკლები, უკრაინის სუვერენიტეტის, დამოუკიდებლობისა და ტერიტორიული მთლიანობის გარანტად დგებოდნენ.
ის რომ ბისმარკის სიტყვები სრული ჭეშმარიტებაა, და რომ რუსეთისთვის ქაღალდზე დასმულ ხელმოწერას ისეთივე ფასი აქვს, როგორც ქაღალდს, რომელზეც ეს ხელმოწერაა, არ ათავისუფლებს ბრიტანეთს და აშშ და სრულიად დასავლეთს, პასუხისმგებლობისგან, რომელიც მათ აიღეს უკრაინის სახელმწიფოს წინაშე.
თავის დროზე, დასავლელი ექსპერტები მიიჩნევდნენ, რომ უკრაინის მხრიდან, დასავლეთს დაჟინებული მოთხოვნით, ბირთვული იარაღის დათმობა, რუსეთს უფრო გააძლიერებდა და უკრაინას დაასუსტებდა, მაგრამ რამდენად უნარიანი გახდა დასავლეთი, ეს ახლა გამოჩნდება.
სწორედ ამ გამოცდის წინაშე დგას დღეს ბაიდენი, მთელ დემოკრატიულ დასავლეთთან ერთად.
ბუდაპეშტის მემორანდუმის არაღსრულება მხოლოდ იმიჯის საკითხს არ წარმოადგენს, ის ქმნის უმნიშვნელოვანეს პრობლემას მსოფლიოში და ამ პრობლემას ჰქვია შემდეგი: ის სახელმწიფოები, რომლებსაც შეეძლოთ ან დღეს შეუძლიათ შექმნან მასობრივი განადგურების იარაღი, დასავლეთის უუნარობის შემთხვევაში, დაიცვას უკრაინა, ჩათვლიან, რომ მათი სახელმწიფოებრიობის გარანტი არა საერთაშორისო ხელშეკრულებები, არამედ ბირთვული კლუბის წევრობა ყოფილა.
ასე, რომ რუსული არმიის თავმოყრის მიზანი უკრაინის საზღვრებთან, პუტინის რეიტინგის დაცემიდან მსოფლიო ბირთვული პრობლემების დიაპაზონში მერყეობს, არადა დასავლეთის მკაფიო და პრინციპული პოზიცია, უკიდურესად სუსტი და ბლეფის მოთამაშე პუტინის წინააღმდეგ, ამაოს გახდის იმ მიზანსაც კი, როგორიცაა მარიუპოლის მიტაცება, ე.წ. კაცუნების ხარჯზე გამაგრებული მთელი რუსული არმიით, ხოლო შემდგომ, მისი, როგორც ყოველი რუსის ოცნების, საბჭოთა კავშირის აღდგენად გასაღება.
პუტინი ვაჭრობს, თუმცა ჯერჯერობით დასავლეთისგან მკაფიოდ ჩანს, რომ აღმოსავლეთით ნატოს გაფართოებაზე უარის თქმა, თვით დიდ ჩინეთადაც კი არ უღირს... "
დაბა ბაკურიანში, ზვავში მოყოლილი ადამიანის სამძებრო სამაშველო ოპერაციები, ზვავსაშიშროების გამო დროებით შეწყდა. ამის შესახებ საგანგებო სიტუაციების მართვის სამსახურში გვითხრეს. მათივე ცნობით, სამუშაოები...
საზოგადოება • 1711645534
ქვეყანაში იმაზე მეტი ადამიანი კვდება, ვიდრე იბადება - საქართველოში შობადობა ისტორიულ მინიმუმზეა. მაგალითისთვის, სხვაობა 2023-სა და 2022 წლებს შორის 2 ათასი იყო. სიკვდილიანობის მაჩვენებელი კი მნიშვნელ...
საზოგადოება • 1711644163
ევროპული საქართველოს ერთ–ერთი ლიდერი, თამარ ჩერგოლეიშვილი, აქვეყნებს ვიდეოს და წერს: ამასწინათ ვინმე ლუკა ეხვანია შემეხმიანა პოდკასტში მიწვევდა.დავსერჩე და აღმოვაჩინე, რომ ანტიდასავლური და ანტისემიტურ...
სოცმედია • 1711643685
გოკა გაბაშვილი სოცქსელში წერს: ,,აუ კარგით რა! - გეყოფათ ეს ეიფორია! რა მოხდა ამისთანა” - ს განწყობის სნობებს როგორ უნდა გააგებინო, რომ ამ ,,რაღაცას”ელოდი:15 658 დღე!42 წელი, 10 თვე და 13 დღე დარასელი...
სოცმედია • 1711641685
ანექსირებულ ყირიმში, სევასტოპოლის რაიონში რუსული სამხედრო თვითმფრინავი Су-35 ჩამოაგდეს. ინფორმაციას ადგილობრივი Telegram-ის არხები ავრცელებენ. ვიდეოკადრებში ჩანს, რომ თვითმფრინავს ცეცხლი უკიდია და ზღ...
რუსეთ-უკრაინის ომი • 1711641588
პრეტენდენტების არარსებობის გამო, საქართველოში ტურებისა და მგლების დათვლის ტენდერი ჩავარდა. შეგახსებეთ, რომ ტურის და მგლის პოპულაციების არეალის, რიცხოვნობის შეფასებისა და კლიმატის ცვლილების ფონზე მათი...
საზოგადოება • 1711640472
ეს საინტერესოა • 1711567860
28 მარტის ასტროლოგიური პროგნოზი
ეს საინტერესოა • 1711395371
26 მარტის ასტროლოგიური პროგნოზი