"რამდენიმე გამოწვევაა, რაც აუცილებლად უნდა გავითვალისწინოთ, რომ შემოდგომა იქცეს მწვავე, გონივრული, უკომპრომისო და გამარჯვებამდე ბრძოლის ნიმუშად" - ბაჩუკი ქარდავა

ეროვნულ-დემოკრატიული პარტიის ლიდერი ბაჩუკი ქარდავა სოციალურ ქსელში პოსტს აქვეყნებს:

"ნებაყოფლობითი მონობა - არ ვიცი რამდენად თავსებადია ეს ორი სიტყვა, მაგრამ ფაქტია ამგვარი უკუღმართი რამ არსებობდა ყველგან, ყველა დროში და სამწუხაროდ, ჭარბად არის გავრცელებული დღეს, 21 საუკუნის საქართველოში!

ერს რომელსაც განათლების დამადასტურებელი ქაღალდის სიმრავლით ბადალი არ ჰყავს, ჯერ კიდევ შიშობს უარესზე, და სტუმარ-მასპინძლის ტრადიციით თავმოწონებული, ვაჟა რომ ალპინისტი ჰგონია, კუდის ქიცინით შესციცინებს თვალებში თავისი ქალაქის ქუჩებში მომრავლებულ დამპყრობელს, რომელიც სულ უფრო და უფრო თამამდება და ალბათ შემოდგომაზე მთლად შინაური და თავხედი იქნება! არა და შემოდგომა ევროპული არჩევანისთვის, შესაბამისად თავისუფლებისთვის, ისევ გადამწყვეტი ბრძოლის კულმინაცია უნდა იყოს! არც დრო და არს სხვა არჩევანი უბრალოდ არ არსებობს!

რამდენიმე გამოწვევაა, რაც აუცილებლად უნდა გავითვალისწინოთ. გამოვყოფ სამ ძირითადს, იმ იმედით რომ ეჭვი არ შემაქვს ჩვენს, პოლიტიკური ოპოზიციის მზაობაში. შემოდგომა იქცეს მწვავე, გონივრული, უკომპრომისო და გამარჯვებამდე ბრძოლის ნიმუშად:

- ნებაყოფლობითი მონობის სინდრომი - თუმცა გადამწყვეტ მომენტში, ქართული სიამაყე და რაც არ უნდა არასასურველი იყოს, უკიდურესობებისკენ მიდრეკილება, ასევე გენეტიკური მეხსიერება თავისას შვრება და ვახერხებთ კარგის და ცუდის განსხვავებას, რაც მთავარია, მათ შორის არჩევანის გაკეთებას, და გაბრაზებას! აქ პოლიტიკურზე მეტად, საზოგადოებრივი აზრის ლიდერების აქტიურობა ფასდაუდებელია!

- გარდაუვალი კეთილდღეობის და ბედნიერების რწმენის დეფიციტი ევროპულ არჩევანში, თავისუფლებაში, როგორც ეროვნულ, ასევე პიროვნულ დონეზე - ამის დაძლევის ერთადერთი საშუალება პროპაგანდაა, მიუხედავად მედიის დევნისა, სანამ კიდევ დროა და ეს რესურსი არსებობს, უნდა მოხერხდეს ფორსირებულად და არგუმენტებით, იმ მარტივი ჭეშმარიტების დამკვიდრება, რომ ევროპა ეს არის ნაკლები პრობლემები პირად ცხოვრებაში და ყოფით დონეზე, რეალური კეთილდღეობა და სიკეთეს მისი და მისი ოჯახისთვის!

- და მესამე, სტუმრად მოვლენილი მტრის პროვოკაციები, რომელიც ზომიერებით უნდა განეიტრალდეს, ამ შემთხვევაში ისევე უადგილოა ზედმეტი ჩხიკინი, როგორც კუდის ქიცინი. მესმის რომ სახელმწიფოს მართავს ხუილო, მაგრამ საზღვრებზე კონტროლის და საეჭვო მიგრაციაზე პასუხისმგებელი მთავრობაა და შესაბამისად აგრესიაც და დარტყმებიც იქით უნდა მივმართოთ და ეს ფაქტორიც სწორედ შემოდგომის პოლიტიკური დღის წესრიგის ჩარჩოში მოვაქციოთ!" - წერს ქარდავა.