თსუ-ის პროგრამების საერთაშორისო აღიარება
განათლება - 11:31, 09 Oct, 2020     1008

საერთაშორისო აკრედიტაციის მქონე პროგრამების პრეზენტაცია გაიმართა ივანე ჯავახიშვილის სახელობის თბილისის სახელმწიფო უნივერსიტეტში, რომელსაც თსუ რექტორი გიორგი შარვაშიძე, საქართველოს განათლების, მეცნიერების, კულტურისა და სპორტის მინისტრი მიხეილ ჩხენკელი, აშშ-ის ელჩის მოადგილე საქართველოში ქეთრინ შვაიცერი, მოწვეული სტუმრები და აკადემიური წრეების წარმომადგენლები დაესწრნენ.

რეგიონში პირველად, თსუ-ს ორმა პროგრამამ ამერიკის ინჟინერიისა და ტექნოლოგიების სააკრედიტაციო საბჭოს (ABET) აკრედიტაცია მიიღო. საერთაშორისო აკრედიტაციის საფუძველზე თსუ-ს კურსდამთავრებულები იღებენ საერთაშორისო აღიარების მქონე დიპლომს, რომელიც კონკურენტუნარიანია მსოფლიოს ნებისმიერ ქვეყანაში. დიპლომები საერთაშორისო აღიარებისაა არა მხოლოდ მომავალი კურდმთავრებულებისთვის, არამედ მათთვისაც, ვინც ბოლო წლებში დაამთავრა აღნიშნული პროგრამები. საერთაშორისოდ აკრედიტებული პროგრამებია: ელექტრული და ელექტრონული ინჟინერია და კომპიუტერული მეცნიერებები.

თბილისის სახელმწიფო უნივერსიტეტის რექტორმა გიორგი შარვაშიძემ თსუ ორი პროგრამის - ელექტრული და ელექტრონული ინჟინერიისა და კომპიუტერული მეცნიერების ABET ამერიკული აკრედიტაციის მიღების მნიშვნელობაზე ისაუბრა და განაცხადა: „ძალიან საინტერესოა, რომ პირველად, ამ სააკრედიტაციო სააგენტოს ცხოვრებაში მოხდა ორი რამ: ის, რომ თსუ-მ ძალიან სწრაფად, 5 წლის ნაცვლად 3 წელში მოახერხა ამ გზის გავლა და მეორე, რომ ამ პროგრამების მომავალი კურსდამთავრებულების გარდა, თსუ კომპიუტერული მეცნიერების პროგრამის 2017, 2018, 2019 და 2020 წლის, ხოლო ელექტრული და ელექტრონული ინჟინერიის პროგრამის 2018, 2019, 2020 წლის კურსდამთავრებულთა დიპლომებიც საერთაშორისო აღიარების მქონეა.“ რექტორმა თსუ-ს კიდევ ერთი პროგრამა აღნიშნა - ქიმიის საბაკალავრო პროგრამა, რომელმაც ამერიკის ქიმიკოსთა საზოგადოების სერტიფიცირება მიიღო.

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა ამერიკის შეერთებული შტატების ინჟინერიისა და ტექნოლოგიების აკრედიტაციის საბჭოს აკრედიტაცია აკადემიური წრეების წარმომადგენლებთან ერთად პირველ რიგში სტუდენტებს მიულოცა.

„თსუ-ს პროგრამების ABET აკრედიტაციის მიღება, პირველ რიგში, მინდა მივულოცო სტუდენტებს, რადგანაც ეს აკრედიტაცია ნიშნავს, რომ ეს აკადემიური პროგრამები შეესაბამება უმაღლეს სტანდარტს და ამ პროგრამების კურსდამთავრებულები იქნებიან კონკურენტუნარიანები მსოფლიო ასპარეზზე,“- განაცხადა მიხეილ ჩხენკელმა.

„პირველად საქართველოს ისტორიაში თსუ-ს ორ პროგრამას აქვს ამერიკული აკრედიტაცია STEM მიმართულებით. ჩვენ ვიცით, რომ ამით არ სრულდება ეს პროცესი. ეს მოვლენა საქართველოს განათლების სისტემისთვის მნიშვნელოვანია, ვინაიდან ამ პროგრამების მეშვეობით მოხდება პროფესიონალი კადრების მომზადება,“-აღნიშნა საქართველოში აშშ-ის ელჩის მოადგილემ ქეთრინ შვაიცერმა.

ABET აკრედიტაციის მიღებაში გაწეული წვლილისთვის უნივერსიტეტის ოქროს მედლებითა და მადლობის სიგელებით დააჯილდოვეს თსუ პროფესორები, ადმინისტრაციის თანამშრომლები და ათასწლეულის გამოწვევის ფონდის წარმომადგენლები.

თსუ ზუსტ და საბუნებისმეტყველო მეცნიერებათა ფაკულტეტის კომპიუტერულ მეცნიერებების პროგრამის ხელმძღვანელმა, პროფესორმა მანანა ხაჩიძემ მადლობა გადაუხადა უნივერსიტეტს გაწეული შრომის დაფასებისთვის. „ABET აკრედიტაციის მიღებძალიან მნიშვნელოვანია არამარტო თბილისის სახელმწიფო უნივერსიტეტისთვის, არამედ მთლიანად საქართველოსთვის. ეს არის კიდევ ერთი დადასტურება იმისა,რომ საქართველოში ადამიანმა შეიძლება მიიღოს ისეთი განათლება, რომლითაც კონკურენციას გაუწევს ნებისმიერ ქვეყანაში მიღებულ უმაღლეს განათლებას. განსაკუთრებით მნიშვნელოვანია ეს ორი დარგი ისეთი ქვეყნის განვითარებისთვის, როგორიც საქართველოა. ამიტომ თუ სხვა პროგრამებიც მიიღებენ აკრედიტაციას, ჩავთვლი,რომ ჩემი მისია უნივერსიტეტისა და საქართველოს წინაშე შესრულებული მაქვს,“-განაცხადა მანანა ხაჩიძემ.

„მადლიერი ვარ იმისთვის, რომ ამ პროცესში ჩართვის შესაძლებლობა მომეცა; რომ უნივერსიტეტის საერთაშორისო არენაზე ღირსეული ადგილის დამკვიდრებაში ჩემი წვლილიც შევიტანე. ვთვლი,რომ ერთია როდესაც იცი, რომ კარგ რაღაცას აკეთებ და მეორეა, როდესაც გაფასებენ. ვთვლი რომ ყველამ თავისი პატარა აგური უნდა დადოს ამ საქმეში,“- აღნიშნა თსუ პროფესორმა, ელექტრული და ელექტრონული ინჟინერიის პროგრამის ხელმძღვანელმა, სამეცნიერო კვლევების დეპარტამენტის უფროსმა გიორგი ღვედაშვილმა.

თსუ სტუდენტის პავლე წოწკოლაურის თქმით, გარდა თეორიული ნაწილისა, მთელი პროგრამა ორიენტირებულია პრაქტიკულ კურსზეც. „ამჟამად მიმდინარეობს ლაბორატორიის სრული მოდერნიზება, სადაც ისეთი დანადგარები გვექნება, რომელიც ერთ-ერთი ყველაზე მთავარია ელექტრულ და ელექტრონულ ინჟინერიაში. აქ შევძლებთ ნაბეჭდი დაფების დამზადებას. მათი წარმოება საქართველოში ძალიან დიდი მიღწევაა. როგორც წესი, ის იწარმოება ჩინეთში და ჩვენ გვინდა, რომ ეს ყველაფერი საქართველოში გადმოვიტანოთ,“-განაცხადა თსუ სტუდენტმა.

აღსანიშნავია, რომ თსუ არის პირველი უნივერსიტეტი ამერიკის ინჟინერიისა და ტექნოლოგიების სააკრედიტაციო საბჭოს (ABET) ისტორიაში, რომელმაც პირველივე ჯერზე მიიღო ამერიკული აკრედიტაცია ელექტრულ და ელექტრონულ ინჟინერიასა და კომპიუტერულ მეცნიერებაში. თსუ-ს საბაკალავრო პროგრამა ქიმიაში პირველია საქართველოში, რომელმაც ამერიკის ქიმიური საზოგადოების (ACS) სერტიფიცირება მიიღო. საქართველო 24-ე ქვეყანაა, სადაც ACS-ის წარმომადგენლობა გაიხსნა.





მასალის გამოყენების პირობები

სხვა სიახლეები
დედამიწას 22 ტონიანი უკონტროლო ჩინური რაკეტა უახლოვდება
"ბავშვი აბსოლუტურად გათეთრდა“...." - რუსუდან კერვალიშვილი შვილიშვილთან შეხვედრას იხსენებს
მე არ ვისვენებ, მე "ზაგარი“ მივიღე უკვე, თვითონ იბოდიალეს 6 თვე - ზარქუა გიორგი ვაშაძეს პასუხობს
6 მაისს გიორგობაა - წმინდა დიდმოწამე გიორგის აღსრულების დღე
იმნაძე: ჩვენთან 80% ბრიტანული შტამია, ინდური, აფრიკული და ბრაზილიური ჯერ არ გამოვლენილა
"როცა საპატიმროში შევედი, მაია დავინახე, კუთხეში იჯდა, მთელი 9 თვე ვნატრობდი, რომ..." - რუსუდან კერვალიშვილი (ვიდეო)
“ვახტანგი გამომემშვიდობა და ამის შემდეგ 12 დღეში გარდაიცვალა, ის კვირაში ერთხელ მიდიოდა მაიასთან,შემდეგ შვილთან ციხეში, განიცდიდა ჩვენ მდგომარეობას”
აღდგომის ქეიფები თავის შედეგს დაახლოებით, 10 დღეში გამოიღებს - პაატა იმნაძე
გამყრელიძე: თუ ბავშვების ვაქცინაცია არ მოხდა, პანდემიის დასრულება რთული იქნება
"ჰუავეიზე გადავედი" – ჯაფარიძე Sinopharm-ის ვაქცინით აიცრა
გთავაზობთ ბევრ გამოწვევას და 1 500-დან 3 000-მდე ხელფასს – "გირჩი“ ვაკანსიებს აცხადებს
თიანეთში რძალზე ძალადობის ბრალდებით 96 წლის ვარდო თათარაშვილი პასუხისგებაში მიეცა
"კარტოგრაფებზე გაკეთებული პროპაგანდისტული, ადამიანების მოსპობაზე გამიზნული ფილმის მერე საზოგადოებრივ მაუწყებელთან ურთიერთობას ვწყვეტ" - ელენე ხოშტარია
“როცა გამოდიხარ, მთავარ კონკურენტად ციხეში მყოფ ნიკა მელიას მიიჩნევ, ჯერ ამხელა ბრძოლა გაქვს წინ და მაინც ენმ-ს ურტყამ ეს არის კომპლექსი…ეს განცხადებები, სამარცხვინოა” – გიორგი ბოტკოველი
საინტერესო ამბები
არალეგალური ფოტოები ჩრდილოეთ კორეიდან - კადრები, რომელიც კიმ ჩენ ინს არ უნდა რომ ნახოთ
დღეს, 02:42
"ბიუჯეტი შეჭამა ბიუროკრატიამ"- უმძიმესი ეპიდსიტუაციისა და ეკონომიკური სიდუხჭირის ფონზე ხელისუფლება საჯარო სექტორში დასაქმებულთა ხელფასებს ზრდის
დღეს, 02:42
კიდევ ერთი თავდასხმა პოლიტიკურ ოპონენტებზე - "ქართული ოცნების“ აქტივისტები გაერთიანებული ოპოზიციის წარმომადგენლებს ფიზიკურად გაუსწორდნენ
დღეს, 02:42
ბავშვებში კორონავირუსის ახალი სიმპტომები გამოვლინდა - პედიატრი მოსახლეობას აფრთხილებს
დღეს, 02:42