შეხვედრა თსუ-ში გაცვლითი პროგრამით ჩამოსულ უცხოელ სტუდენტებთან
განათლება - 15:23, 05 Apr, 2021     467

მსოფლიო პანდემიის მიუხედავად, ივანე ჯავახიშვილის სახელობის თბილისის სახელმწიფო უნივერსიტეტში მიმდინარე სასწავლო წლის გაზაფხულის სემესტრში მსოფლიოს 14 წამყვანი უნივერსიტეტის 30 სტუდენტი სწავლობს. უცხოელ სტუდენტთა მისასალმებელ ღონისძიებას თსუ რექტორი გიორგი შარვაშიძე, პროფესორ-მასწავლებლები, ადმინისტრაციის წარმომადგენლები ესწრებოდნენ.

სტუდენტებს ლიტვიდან, ჩეხეთიდან, იტალიიდან, საფრანგეთიდან, ესპანეთიდან, გერმანიიდან, პორტუგალიიდან, თსუ რექტორი გიორგი შარვაშიძე, თსუ საგარეო ურთიერთობათა დეპარტამენტის ხელმძღვანელი თეა გერგედავა, ჰუმანიტარულ მეცნიერებათა ფაკულტეტის პროფესორები, რამაზ ქურდაძე და ვახტანგ ლიჩელი მიესალმნენ.

„მიუხედავად COVID 19-ის მსოფლიო პანდემიისა, უცხოელი სტუდენტები ჩამოვიდნენ თსუ-ში სასწავლებლად ევროპის სხვადასხვა ქვეყნიდან. გვქონდა გაცნობითი ხასიათის შეხვედრა, ჩატარდა რამდენიმე პრეზენტაცია და ვისაუბრეთ იმაზე, თუ როგორ ახერხებენ საქართველოში ყოფნის პირობებში დისტანციურად სწავლას და განათლების მიღებას,“- აღნიშნა თსუ რექტორმა გიორგი შარვაშიძემ.

თსუ საგარეო ურთიერთობათა დეპარტამენტის ხელმძღვანელის თეა გერგედავას თქმით, თბილისის სახელმწიფო უნივერსიტეტი ყოველ სემესტრში ტრადიციულად მასპინძლობს ევროპელ გაცვლით სტუდენტებს. „ეს კონკრეტული ღონისძიება ეძღვნება იმ სტუდენტების მიღებას, რომლებიც ჩვენ მიმდინარე სემესტრში გვყავს. ეს სტუდენტები მთელ სემესტრს გაატარებენ თბილისის სახელმწიფო უნივერსიტეტში და თითოეული, დაახლოებით, 30 კრედიტს მიიღებს ჩვენგან, რომელიც შემდეგ დატრანსფერდება მათ მშობლიურ უნივერსიტეტებში,“- აღნიშნა თეა გერგედავამ.

ტიმ მიბორდი, რომელიც ლიონ 2 (საფრანგეთი) უნივერსიტეტის სტუდენტია, თსუ გაცვლითი პროგრამის სტუდენტი უკვე მეორედ გახდა: „თბილისის სახელმწიფო უნივერსიტეტში სასწავლად სექტემბერში ჩამოვედი. ეს იყო ჩემთვის ნამდვილად ძალიან საინტერესო გამოცდილება, იმიტომ რომ ბევრი რამ გავიგე ზოგადად საქართველოს შესახებ. თუმცა საკმარისი არ იყო და საფრანგეთში დაბრუნების შემდეგ, კვლავ ჩამოვედი საქართველოში - ახალი აღმოჩენებისთვის და მეტი გამოცდილებისთვის.“

ივანე ჯავახიშვილის სახელობის თბილისის სახელმწიფო უნივერსიტეტს 200-ზე მეტი პარტნიორი უნივერსიტეტი და კვლევითი ცენტრი ჰყავს 56 ქვეყანაში, თანამშრომლობს 100-ზე მეტ ევროპულ უნივერსიტეტთან საერთაშორისო კრედიტ მობილობის პროგრამის „ერასმუს+“-სა და ორმხრივი თანამშრომლობის მიზნით გაფორმებული ხელშეკრულებების საფუძველზე მოქმედი გაცვლითი პროგრამების ფარგლებში, რის შედეგადაც, 2015-2020 წლებში თსუ-ს სტუდენტების, ისევე როგორც აკადემიური და ადმინისტრაციული პერსონალის საერთაშორისო მობილობის რიცხვმა 1500-ს გადააჭარბა. 2015-2020 წლებში თსუ-ში განხორციელდა ევროკავშირის მიერ დაფინანსებული საერთაშორისო კრედიტ მობილობის 259 პროექტი; 1995-2020 წლებში თსუ-მ კოორდინაცია გაუწია და მონაწილეობა მიიღო ინსტიტუციური განვითარების 50-მდე პროექტში, ერაზმუს მუნდუსის 7 კონსორციუმში, ერაზმუსის ერთობლივ სამაგისტრო 3 და ჟან-მონეს 2 პროექტში. გარდა ევროპულისა, თსუ-ს სტუდენტებს აქვთ შესაძლებლობა გაცვლითი პროგრამით ისწავლონ ასევე 10 აზიური ქვეყნის 26 უნივერსიტეტში.

საერთაშორისო სტუდენტთა რაოდენობა, რომლებიც თსუ-ში როგორც უცხოენოვან, ასევე ქართულენოვან პროგრამებზე სწავლობენ, ყოველწლიურად იზრდება.





მასალის გამოყენების პირობები

სხვა სიახლეები
დედამიწას 22 ტონიანი უკონტროლო ჩინური რაკეტა უახლოვდება
"ბავშვი აბსოლუტურად გათეთრდა“...." - რუსუდან კერვალიშვილი შვილიშვილთან შეხვედრას იხსენებს
მე არ ვისვენებ, მე "ზაგარი“ მივიღე უკვე, თვითონ იბოდიალეს 6 თვე - ზარქუა გიორგი ვაშაძეს პასუხობს
6 მაისს გიორგობაა - წმინდა დიდმოწამე გიორგის აღსრულების დღე
იმნაძე: ჩვენთან 80% ბრიტანული შტამია, ინდური, აფრიკული და ბრაზილიური ჯერ არ გამოვლენილა
"როცა საპატიმროში შევედი, მაია დავინახე, კუთხეში იჯდა, მთელი 9 თვე ვნატრობდი, რომ..." - რუსუდან კერვალიშვილი (ვიდეო)
“ვახტანგი გამომემშვიდობა და ამის შემდეგ 12 დღეში გარდაიცვალა, ის კვირაში ერთხელ მიდიოდა მაიასთან,შემდეგ შვილთან ციხეში, განიცდიდა ჩვენ მდგომარეობას”
აღდგომის ქეიფები თავის შედეგს დაახლოებით, 10 დღეში გამოიღებს - პაატა იმნაძე
გამყრელიძე: თუ ბავშვების ვაქცინაცია არ მოხდა, პანდემიის დასრულება რთული იქნება
"ჰუავეიზე გადავედი" – ჯაფარიძე Sinopharm-ის ვაქცინით აიცრა
გთავაზობთ ბევრ გამოწვევას და 1 500-დან 3 000-მდე ხელფასს – "გირჩი“ ვაკანსიებს აცხადებს
თიანეთში რძალზე ძალადობის ბრალდებით 96 წლის ვარდო თათარაშვილი პასუხისგებაში მიეცა
"კარტოგრაფებზე გაკეთებული პროპაგანდისტული, ადამიანების მოსპობაზე გამიზნული ფილმის მერე საზოგადოებრივ მაუწყებელთან ურთიერთობას ვწყვეტ" - ელენე ხოშტარია
“როცა გამოდიხარ, მთავარ კონკურენტად ციხეში მყოფ ნიკა მელიას მიიჩნევ, ჯერ ამხელა ბრძოლა გაქვს წინ და მაინც ენმ-ს ურტყამ ეს არის კომპლექსი…ეს განცხადებები, სამარცხვინოა” – გიორგი ბოტკოველი
საინტერესო ამბები
არალეგალური ფოტოები ჩრდილოეთ კორეიდან - კადრები, რომელიც კიმ ჩენ ინს არ უნდა რომ ნახოთ
დღეს, 02:42
"ბიუჯეტი შეჭამა ბიუროკრატიამ"- უმძიმესი ეპიდსიტუაციისა და ეკონომიკური სიდუხჭირის ფონზე ხელისუფლება საჯარო სექტორში დასაქმებულთა ხელფასებს ზრდის
დღეს, 02:42
კიდევ ერთი თავდასხმა პოლიტიკურ ოპონენტებზე - "ქართული ოცნების“ აქტივისტები გაერთიანებული ოპოზიციის წარმომადგენლებს ფიზიკურად გაუსწორდნენ
დღეს, 02:42
ბავშვებში კორონავირუსის ახალი სიმპტომები გამოვლინდა - პედიატრი მოსახლეობას აფრთხილებს
დღეს, 02:42