ნაციონალური მოძრაობის თავმჯდომარის ნიკა მელიას მამა ანზორ მელია ტვ პირველთან საუბარში აცხადებს, რომ მისი შვილი ამნისტიით გამოსვლას არ დათანხმდება, მთავრობა კი გაჩაჩანაკებულ ნიკა მელიას ვერ ნახავს:

"ნიკა ამნისტიით გამოსვლას არ დათანხმდება. მეც, როგორც მშობელი, ვამბობ, რომ ჯობია, ციხეში იჯდეს და მოიხადოს ის სასჯელი, რასაც ეს კაცთმოძულე მთავრობა მიუსჯის. ეს მთავრობა გაჩაჩანაკებულ ნიკა მელიას ვერ ნახავს. ის ვაჟკაცია.

ამ მთავრობას რუსეთის იმედი აქვს, მაგრამ ნიკა მელიას ციხეში ყოფნის ყოველი დღე მათი დასასრულია. ,,ოცნებამ" კარგად იცის, რომ ციხეში ვაია, გამოვა და ვუი, ამიტომ ყველაფერს კადრულობენ" - აცხადებს ანზორ მელია.