საქართველოს ქალ ფეხბურთელთა ნაკრებისა და კლუბ "ლანჩხუთის" მეკარეს, თათია გაბუნიას იტალიის საფეხბურთო კლუბში იწვევენ.

თათია გაბუნიას ევროპაში ერთ-ერთ გამორჩეულ საფეხბურთო ლიგაში მოთამაშე კლუბი იწვევს და როგორც სპეციალისტები ამბობენ, საკმაოდ კარგ პირობებს სთავაზობს, თუმცა იტალიურ კლუბს მასში თანხის გადახდა არ სურს. ამ შემთხვევაში ყველაფერი "ლანჩხუთზეა" დამოკიდებული. გუნდი ჩემპიონობისთვის იბრძვის და მეკარის გაშვებას არ ჩქარობს. თუმცა იტალიური მხარე სწორედ მის თანხმობას ელოდება.