პრემიერ ღარიბაშვილმა დღევანდელ სხდმაზე იპოთეკური სესხების სუბსიდირების პროგრამის შესახებ ისაუბრა და აღნიშნა, რომ მის ფარგლებში მრავალშვილიან ოჯახებს, ასევე იმ ოჯახებს, რომელთაც ბავშვი ახლა შეეძინათ, მთავრობა იპოთეკურ სესხებს დაუსუბსიდირებს:

"დღეს ეკონომიკის მინისტრი წარმოადგენს ახალ პროგრამას, რომელიც ეხება სუბსიდირებულ იპოთეკურ სესხს მრავალშვილიანი ან ისეთი ოჯახების პირობების გაუმჯობესებისთვის, რომელთაც ჰყავთ ახალშეძენილი შვილი ან შვილები. იპოთეკური სესხით შესაძლებელი იქნება როგორც ბინის, ასევე კერძო სახლის შეძენა. ეს ძალიან კარგი პროგრამაა, რომელსაც უკვე დავიწყებთ და დღეს ოფიციალურად გამოვიტანთ ამ პროგრამას" - აღნიშნა ირაკლი ღარიბაშვილმა.