"პატრიოტთა ალიანსის" ლიდერი ირმა ინაშვილი რუსეთის პრეზიდენტს ვლადიმერ პუტინს პარტიის სახელით ღია წერილით მიმართავს და სოციალურ ქსელში პოსტს აქვეყნებს, სადაც ოკუპანტი ქვეყნის ლიდერს დახმარებას სთხოვს.

როგორც წერილშია ნათქვამი, ქართული პოლიტიკა ორი მსახიობის თეატრს დაემსგავსა, რომელშიც მოქმედი გმირები "ქართული ოცნება" და "ნაციონალური მოძრაობა" არიან, თეატრის რეჟისორი კი ამერიკის შეერთებული შტატებია, რომლის მიზანიც რუსეთის გაღიზიანებაა. ინაშვილის აზრით, სწორედ რუსეთის ჯიბრზე სურს ამერიკას საქართველოში ნატო-ს სამხედრო ბაზების განთავსება, რაზეც ჩრდილოვან სახელმწიფოს რეაქცია აუცილებლად ექნება.

ინაშვილის მოწიწებითა და პატივისცემით მიმართავს პუტინს, გააგრძელოს საქართველოსთან თანამშრომლობა, რათა ამ ორ ქვეყანას შორის მეგობრული ურთიერთობა შენარჩუნდეს:

"თქვენო აღმატებულებავ ბატონო პრეზიდენტო! გთხოვთ მიიღოთ ჩვენი უდიდესი პატივისცემის გარანტიები და ნება მომეცით გაგიზიაროთ ჩვენი შეშფოთება რუსეთ-საქართველოს ურთიერთობების მუდმივი გაუარესების გამო და გაცნობოთ, რომ ჩვენ დარწმუნებულნი ვართ, საქართველოსა და რუსეთს შორის ჭეშმარიტად გულწრფელი და მეგობრული ურთიერთობების დამყარების მომხრეებად. ურთიერთპატივისცემასა და ნდობაზე.

ბატონო პრეზიდენტო, ჩვენ მოგმართავთ თქვენი დახმარების იმედით, რომ გააგრძელოთ ჩვენი თანამშრომლობა სახელმწიფო სათათბიროს, ფედერაციის საბჭოს და რუსეთის ფედერაციის პრეზიდენტის ადმინისტრაციის ფარგლებში. თქვენი დახმარება ასევე უკიდურესად აუცილებელია ერთობლივი მედიის, კულტურული და სოციალური პროექტების ორგანიზებაში, რაც ზოგადად ხელს შეუწყობს იმის გაგებას, რომ ერთადერთი სწორი გზაა მართლაც ღია და კარგი ორმხრივი ურთიერთობების დამყარება მხარეთა ინტერესების რეალურ გათვალისწინებაზე დაყრდნობით.

გთხოვთ, კიდევ ერთხელ მიიღოთ, ბატონო პრეზიდენტო, ჩვენი უღრმესი პატივისცემა" - ნათქვამია მიმართაში