შარლ მიშელის დოკუმენტზე ხელმომწერი ოპოზიცია "სტრატეგია აღმაშენებლის" ოფისში ოკუპანტების ტყვეობაში მყოფი ზაზა გახელაძის ოჯახს შეხვდა.

ხელისუფლების ოპონენტების განცხადებით, ზაზა გახელაძის დასახმარებლად სახელმწიფოს მხრიდან ქმედითი ნაბიჯები არ გადადგმულა. მათ ის შეფასებები მოისმინეს, რაც ოჯახს აქვს არსებულ სიტუაციასთან დაკავშირებით, ამის შემდეგ კი სამომავლოდ განსახორციელებელ ღონისძიებებზე იმსჯელებენ.

შეგახსენებთ, საოკუპაციო რეჟიმის წარმომადგენლებმა 33 წლის ზაზა გახელაძე გასული წლის 11 ივლისს გაიტაცა. ე.წ. სასამართლომ მას 12 წლითა და 6 თვით თავისუფლების აღკვეთა მიუსაჯა. გამოძიება მას ე.წ. მესაზღვრეების მისამართით ცეცხლის გახსნას ედავება. მიუხედავად იმისა, რომ პროცესზე აღნიშნული ფაქტი ზოგიეერთმა მოწმემ უარყო, ე.წ. სასამართლომ ის მაინც დამნაშავედ ცნო.