4 მაისს, საფრანგეთის ქალაქ მერინიაკის 44 წლის მამაკაცმა, დაახლოებით 18.30 საათზე, ცეცხლი წაუკიდა იმ სახლს, სადაც ის თავის 31 წლის ცოლთან და სამ არასრულწლოვან შვილთან ერთად ცხოვრობდა. ქალმა გამოსვლა მოახერხა, მაგრამ მეუღლე მას ქუჩაში ცეცხლსასროლი იარაღით დაედევნა, ესროლა, შემდეგ ბენზინი გადაასხა და დაწვა.

ეჭვმიტანილმა დამალვა სცადა, მაგრამ ის სამართალდამცავებმა დააკავეს. მამაკაცი ადრე ოჯახური ძალადობისთვის არის ნასამართლევი.

ამ საზარელ ფაქტს საფრანგეთის შინაგან საქმეთა მინისტრი გამოეხმაურა:

"მე აღშფოთებული ვარ ამ საშინელი დანაშაულის გამო, მე გულწრფელ მხარდაჭერას ვუცხადებ დაზარალებულის ოჯახს. ჩვენ გავაგრძელებთ ოჯახურ ძალადობასთან ბრძოლას", - დასძინა მინისტრმა.

საფრანგეთის არასამთავროების განცხადებით, წელს ეს ფაქტი ფემინიციდის რიგით 39-ე შემთხვევაა.