საქართველოს პრემიერ-მინისტრმა ირაკლი ღარიბაშვილმა აზერბაიჯაანში მისი ვიზიტი შეაჯამა და აღნიშნა, რომ პრეზიდენტ ილჰამ ალიევთან ნაყოფიერი შეხვედრა ჰქონდა.

როგორც ღარიბაშვილმა განაცხადა, რიგ საკითხებს შორის განიხილეს დავით გარეჯის საკითხიც და შეთანხმდნენ, რომ დიალოგი გაგრძელდება.

"შევეხეთ ყველა საკითხს, რომელიც ორ ქვეყანას შორის ურთიერთობას ეხება. მათ შორის განვიხილეთ დავით გარეჯის საკითხიც. შევეხეთ ამ საკითხს, ბუნებრივია და შევთანხმდით, რომ დიალოგი გაგრძელდება, დაჩქარდება და ძალიან მალე გადაწყდება ისე, როგორც ჩვენს ძმობას და მეგობრობას შეეფერება", - ამბობს ღარიბაშვილი.