ენმ-ს ლიდერის ნიკა მელიას თქმით, მას სხვა უფრო მნიშვნელოვანი პოლიტიკური გეგმები აქვს, ვიდრე ეს თბილისის მერობაა, თუმცა, კანდიდატობას მხოლოდ იმ შემთხვევაში დათანხმდება, თუ კოლეგები ჩათვლიან, რომ ეს გადაუდებელი აუცილებლობა იქნება:

"სხვა გეგმები მაქვს პოლიტიკური, ვიდრე თბილისის მერობა არის, ამიტომ მხოლოდ ერთ შემთხვევაში დავთანხმდები, თუკი ოპოზიონერი კოლეგები ჩათვლიან, რომ ეს გარდაუვალი აუცილებლობაა. ამიტომ მზად ვარ, მეგობრულად, კოლეგიალურად მათ და საზოგადოებას სამსახური გავუწიო. არც ერთ ოპოზიციონერ ლიდერთან კონსულტაციას არ გავმართავ იმასთან დაკავშირებით, რომ მე უნდა ვიყო მერობის კანდიდატი. ეს რომ ვაკეთო, ამის ინტერესი უნდა მქონდეს" - აცხადებს ნიკა მელია.