მე და ლევან იოსელიანი არ ვაპირებთ რომელიმე ფრაქციაში გაწევრიანებას, ჩვენ არც ფრაქციის თავმჯდომარეობა გვეხარბება, არც მანქანა და მსგავსი პრივილეგიები არ გვიზადავს,- ამის შესახებ “მოქალაქეები” რომელიმე ფრაქციაში გაწევრიანებას გამორიცხავენ. როგორც პარტიის ლიდერმა, ალეკო ელისაშვილმა ჟურნალისტებთან საუბრისას განაცხადა, მას და ლევან იოსელიანს არც ფრაქციის თავმჯდომარეობა ეხარბებათ და არც მანქანა და მსგავსი პრივილეგიები იზიდავთ.

მისი თქმით, ახალი რეგლამენტი მათ საკმარის ბერკეტს აძლევს პარლამენტში სრულფასოვნად საქმიანობის წარმართვისთვის.

“ჩვენ საქმიანობას დამოუკიდებელად წარვმართავთ. ჩვენ არც ფრაქციის თავმჯდომარეობა გვეხარბება, არც მანქანა რომ გვემსახურებოდეს, მსგავსი პრივილეგიები არ გვიზადავს.

საკმარისი ბერკეტი გვაქვს, კონსულტაციების რეჟიმში ისედაც ვართ და როცა ოპოზიცია სრულმასშტაბიანად იქნება წარმოდგენილი პარლამენტში, იმედი გვაქვს, რომ კომუნიკაცია კიდევ უფრო ინტენსიური იქნება. მე პირადად ვითანამშრომლებ აბსოლუტურად ყველასთან თუკი, საქმე შეეხება საქართველოსთვის და ხალხისთვის სასიკეთო საკითხებს, მზად ვარ ჩემს ემოციებს გადავაბიჯო ხოლმე”, – განაცხადა ელისაშვილმა.