ხობში სამართალდამცველების მიმართ ფიზიკური ანგარიშსწორებისთვის დაკავებულ ორ მოჭიდავეს - ვარლამ კვარაცხელიასა და ზაზა დათეშაძეს სასამართლომ ორთვიანი წინასწარი პატიმრობა შეუფარდა.

გადაწყვეტილება მოსამართლემ ცოტა ხნის წინ გამოაცხადა, დაკავებულების უფლებადამცველები კი მის გასაჩვრებას აპირებენ.

კიდევ ორი პირი, რომელიც ინციდენტის დროს პოლიციამ ადმინისტრაციული წესით დააკავა, სამდღიანი პატიმრობის შემდეგ, დღეს გათავისუფლდებიან.

შეგახსენებთ, არაფხიზელ მდგომარეობაში მყოფი სპორტსმენები სამართალდამცველებს ფიზიკურად მაშინ გაუსწორდნენ, როდესაც ამ უკანასკნელებმა წესრიგისკენ მოუწოდეს.