დასავლეთ საქართველოში გადაუღებელმა წვიმებმა პრობლემები შექმნა. აჭარასა და სამეგრელოში უხვი ნალექისა და ძლიერი ქარის გამო დატბორილია სახლები, დაწყვეტილია ელექტროგადამცემი ხაზები და წაქცეული ხეები.

ზუგდიდში, გამსახურდიას გამზირზე ქარმა მრავალწლოვანი ხე მოგლიჯა, რომელიც იქვე მდგომ ავტომობილებს დაეცა. შემთხვევის შედეგად არავინ დაშავებულა.

ბათუმში კი ძლიერმა ნალექმა სახლების გარდა რესპუბლიკური საავადმყოფოც დატბორა. ე.წ. ნული სართული წყლით არის დაფარული.