Covid 19 • 1677510593
Covid 19-ის პანდემია, დიდი ალბათობით, ინეთის ქალაქ უჰანის ლაბორატორიიდან ვირუსის გაჟონვის შედეგია. ამის შესახებ აშშ-ის ენერგეტიკის დეპარტამენტის დასკვნაშია აღნიშნული. ინფორმაციას theguardian.com ავრცელებს.
ამ დასკვნის მიხედვით, ვირუსი ლაბორატორიაში ახალ იარაღზე მუშაობის დროს არსებობდა და ის ჩინელ მეცნიერებს შემთხვევით „გაეპარათ“. დასკვნაში აღნიშნულია, რომ ის „ზომიერად სარწმუნოა“ და 100%-იანი სიზუსტით ამ ვერსიაზე საუბარი, ბუნებრივია შეუძლებელია.
აშშ-ის ენერგეტიკის დეპარტამენტის ანგარიში შეერთებული შტატების 17 წამყვანი ლაბორატორიიდან მიღებულ დასკვნას ეფუძნება. ალტერნატიული ვერსია, რომელსაც აშშ-ის მეცნიერები კორონავირუსის პანდემიის გამომწვევ მიზეზებს შორის ასახელებდნენ, ცხოველს (მაგ. ღამურას) უკავშირდებოდა, საიდანაც ვირუსი სხვადასხვა გზით ადამიანებს გადაეცა.
2020 წლის დასაწყისში კორონავირუსის გლობალურ პანდემიას ჯანდაცვის ორგანოები აშკარად მოუმზადებლები შეხვდნენ. მას შემდეგ, ჯანმოს ინფორმაციით, კორონავირუსის შედეგად 7 მილიონამდე ადამიანი გარდაიცვალა. მან, ასევე, ეკონომიკის რამდენიმე სფეროს, განსაკუთრებით ტურიზმს, უდიდესი ზარალი მიაყენა.
კორონავირუსი პოლიტიკური დებატების საგანიც გახდა. აშშ-ის მაშინდელი პრეზიდენტი დონალდ ტრამპი მას „ჩინურ ვირუსს“ უწოდებდა და ამით ფაქტობრივად, რასობრივი დისკრიმინაციის ინსპირირება მოახდინა. მისი შემცვლელი, ჯო ბაიდენი, პირიქით, ამ თემის პოლიტიზებას ერიდებოდა. პოლიტიზებულია ასევე ეპიდემიის გამომწვევი მიზეზების დადგენის საკითხიც.
აშშ-ის ენერგეტიკის დეპარტამენტის დასკვნა 4 წინა თეორიას ეწინააღმდეგება, რომლის მიხედვით ვირუსი ლაბორატორიიდან ცხოველის ორგანიზმით გააღწია. რაც შეეხება აშშ-ის ცენტრალური სადაზვერვო სამმართველოს, მას ამ საკითხზე ჯერჯერობით საბოლოო დასკვნა არ გაუკეთებია და კვლავაც ორ ვერსიას განიხილავს. ორივე ვერსიის ავტორები ერთ დასკვნაზე თანხმდებიან – ვირუსის გაჟონვამდე ჩინურ ლაბორატორიაში ახალი ბიოლოგიური იარაღის შექმნაზე მუშაობა მიმდინარეობდა.
ის, რომ აშშ-ის სპეცსამსახურებში ამ საკითხზე სხვადასხვა ვერსია არსებობს, შეერთებული შტატების ეროვნული უსაფრთხოების საკითხებში მრჩეველმა ჯეიკ სალივანმაც განაცხადა.
„არსებობს ორი ძირითადი პოზიცია და კიდევ არსებობს მოსაზრება, რომ საბოლოო დასკვნისთვის მეტი ინფორმაციაა აუცილებელი, რომელშიც აშკარად არ არის საკმარისი,“ – განაცხადა სალივანმა.
მისივე თქმით, ამ პროცესში ენერგეტიკის დეპარტამენტის ჩართვა პრეზიდენტ ბაიდენის გადაწყვეტილება იყო, რათა ამ რთული საკითხის დასადგენად ყველა რესურსი, ინსტრუმენტი და ძალისხმევა იყოს გამოყენებული.
აშშ-ის დაზვერვის პირველი დასკვნის მიხედვით, კორონავირუსი თავდაპირველად ჩინეთის ქალაქ უჰანში გავრცელდა. ეს ფაქტი 2019 წლის ნოემბერში მოხდა, როდესაც ვირუსთან დაკავშირებულ კვლევებში მონაწილე სამი მეცნიერი ვირუსით ინფიცირდა.
რაც შეეხება ჩინეთის ოფიციალური სტრუქტურების პოზიციას, ისინი უჰანის ლაბორატორიიდან ვირუსის გაჟონვის შესაძლებლობას კატეგორიულად გამორიცხავენ. ამასთანავე, უჰანში საერთაშორისო კომისიის ჩასვლას და გამოძიების ჩატარებასაც არ თანხმდებიან.
pia.ge
"ფლანგვის დეტექტორის" განცხადებით, ოფშორების ჩანაწერი შავ კაპიტალს უადვილებს, ევროპულ რეგულაციებსა და სანქციებს გაექცეს. ორგანიზაცია ამბობს, აღნიშნული ცვლილება ორი ნაწილისგან შედგება: პირველი ნაწილი...
პოლიტიკა • 1713617438
ფოტოგრაფი, გოგა ჩანადირი სოციალურ ქსელში მორიგ პოსტს აქვეყნებს, სადაც ოპიზის ტაძარზე საუბრობს. "დღეს ასე გამოიყურება ოპიზის ტაძარი კლარჯეთში. 1965 წელს ააფეთქეს, რომ გზა გაეყვანათ.არადა, მანამდე 1000...
სოცმედია • 1713616830
მეცნიერებმა შექმნეს ცილოვანი მიკრომასალები, რომლებიც დიდი ხნის განმავლობაში ათავისუფლებენ ნანონაწილაკებს,რომლებიც თავს ესხმიან და ანადგურებენ კიბოს სპეციფიკურ უჯრედებს. კვლევის შედეგები გამოქვეყნდა ჟუ...
ჯანმრთელობა • 1713615582
დღეს ქვეყანა ვერ გახდება, დღეს არ ვართ მზად, რომ გავხდეთ [ევროკავშირის] წევრი ქვეყანა, ხომ ასეა, ხომ მეთანხმებით? არ არის კონსენსუსი იმაზე, რომ დღესვე შეიძლება გახდეს ქვეყანა...
პოლიტიკა • 1713614632
მესამე პრეზიდენტი "ქართული ოცნების" 12 წლიანი მმართველობის სხვადასხვა ნაბიჯებე წერს, რომელსაც "ღალატის ქრონიკად" აფასებს: "ღალატის ქრონიკა 2012 წლიდან:2012 წელს საარჩევნო კამპანიისთვის რუსეთმა ივან...
პოლიტიკა • 1713612348
პრემიერმინისტრის მიერ წახალისებული ძალადობა და ფიზიკური ანგარიშსწორება თბილისის სახელმწიფო უნივერსიტეტთან - ირაკლი კობახიძის თვალწინ, სავარაუდოდ, "ქართული ოცნების" პარტაქტივმა სტუდენტ ნიკო მანაგაძეს ს...
პოლიტიკა • 1713612275
ეს საინტერესოა • 1713555338
20 აპრილის ასტროლოგიური პროგნოზი
ეს საინტერესოა • 1713468243
19 აპრილის ასტროლოგიური პროგნოზი
ეს საინტერესოა • 1713382289
18 აპრილის ასტროლოგიური პროგნოზი
ეს საინტერესოა • 1713296400
17 აპრილის ასტროლოგიური პროგნოზი