2022 წლის ბიზნესდაჯილდოების პროექტში გამარჯვებულმა კომპანია „პოსტრედმა“ ახალი  ბრენდინგითა  და  მკაფიოდ გამოხატული  იდენტობით  ვიდეო თამაშების ბაზარზეც წარმატება მოიპოვა

პოსტრდია

2022 წლის თიბისის ბიზნესდაჯილდოების პროექტში გამარჯვების შემდეგ, კომპანია „პოსტრედი“ ბაზარზე ახალი ბრენდინგითა და განახლებული ძალებით შევიდა. რებრენდიგით კომპანიამ უფრო მკაფიოდ გაუსვა ხაზი საკუთარ იდენტობას და მიზნებს. ფილმებისა და ვიდეო თამაშების ინდუსტრიაში ერთ-ერთი წამყვანი აუდიო პოსტ პროდაქშენ კომპანიის, “პოსტრედის” ისტორიას მისი დამფუძნებელი, ბესო კაჭარავა გვიამბობს:

 

„9 წლის წინ, როცა კომპანიას ვაარსებდით, ჩვენი დევიზი იყო „ნიჭს არ აქვს საზღვრები.“ ამ იდეის ირგვლივ გავერთიანდით 3 არტისტი, რომლებსაც გვჯეროდა, რომ ხელოვნებას დიდი ძალა აქვს. გადავწყიტეთ, ხელოვნებით გაგვერღვია საზღვრები და გავსულიყავით საერთაშორისო ბაზარზე, გვემუშავა ყველაზე დიდ საერთაშორისო პროექტებზე.

 

ხმის დიზაინი და მუსიკა ის საქმეა, რომლითაც დავიწყეთ ქართულ ბაზარზე თავის დამკვიდრება. პირველი წლები აქტიურად ვთანამშრომლობდით ქართულ კინო და სარეკლამო ინდუსტრიასთან. გვქონდა პატივი გვემუშავა ისეთ მნიშვნელოვან პროექტებზე, როგორებიცაა დიტო ცინცაძის „შინდისის გმირები“, ლევან აკინის „და ჩვენ ვიცეკვეთ“, და ა.შ. თუმცა ჩვენი მიზანი ყოველთვის იყო საზღვრების გარღვევა და უფრო დიდ ასპარეზზე გასვლა, რისთვისაც ბევრი წელი და დიდი შრომა დაგვჭირდა.

 

დღეს ჩვენი ძირითადი პარტნიორი ჰოლივუდია, ჩვენი საქმიანობის არეალი კი - ამერიკის, ბრიტანეთისა და ევროპის ქვეყნების ბაზრები. ამ სფეროში მსხვილ სექტორებთან კოლაბორაცია დიდი გამოცდილება და იმის დამტკიცებაა, რომ ნიჭს საზღვრები მართლაც არ აქვს. ამას ის დიდი საერთაშორისო პროექტებიც ადასტურებს, რომლებზეც ბოლო წლების განმავლობაში წარმატებით ვიმუშავეთ. Ferrari (2023), Thanksgiving (2023), Euphoria(2022), Scream 6 (2023) - ეს ის მცირე ჩამონათვალია, რომელიც ჩვენი და საერთაშორისო კომპანიების კოლაბორაციის შედეგად შეიქმნა.

 

მიუხედავად იმისა, რომ დღეს ამერიკულ ბაზარზე უფრო კარგად გვიცნობენ, ვცდილობთ, ჩვენი იდენტობა არ დავკარგოთ და ჩვენს ქვეყანასაც გავუზიაროთ

გამოცდილება. სწორედ ამიტომაც, გვინდა რაც შეიძლება მეტ ადამიანს შევასწავლოთ ხმის დიზაინი დევიზით - „აკეთე, რაც გიყვარს.“

 

სამწუხაროდ, საქართველოში დღემდე ძალიან ძლიერია სტერეოტიპი, რომ ხელოვნება მხოლოდ გასართობი სფეროა, რომელსაც ქველმოქმედების მიზნით ფული სულ იქით უნდა უხადო. ამ სტერეოტიპის დამსხვრევა და იმის დამტკიცება, რომ არტ-ინდუსტრია ბიზნესისთვის დიდი და მომგებიანი ასპარეზია, ჩვენი კიდევ ერთი მიზანია, რომლის მისაღწევადაც ყველაფერს ვაკეთებთ.

 

2022 წელს ბიზნესდაჯილდოების პროექტში მონაწილეობაც დიდწილად ამ მოტივით გადავწყვიტეთ. გავიმარჯვეთ ნომინაციაში საუკეთესო პროდუქტი და ამით ბიზნეს სექტორს დავანახეთ, რომ არტი არ არის სფერო, რომელსაც მხოლოდ უნდა დაეხმარო, არამედ ეს არის მომგებიანი ბიზნესი, თავისი დიდი ბენეფიტებით. ჩვენმა კომპანიამ სწორედ ამის პრეცენდენტი შექმნა საქართველოში. ქვეყნის მთავარ ბიზნესდაჯილდოებაში გამარჯვებაც „პოსტრედის“ გუნდისთვის სწორედ ამ იდეის ვალიდაციაა.

 

როგორც გამარჯვებულ კომპანიას, ჯილდოს არჩევის საშუალება გვქონდა. ჩვენ

ბრენდინგი ავირჩიეთ და თიბისისა და კომპანია „ჰოლი მოტორსის“ გუნდთან ერთად ვიმუშავეთ „პოსტრედის“ რებრენდინგზე. ამ თანამშრომლობის შედეგად, მივიღეთ ძალიან ხარისხიანი პროდუქტი. ვფიქრობ, ჩვენი ახალი ბრენდი, როგორც სოციალური იდენტობა, ათწლეულებს გაუძლებს. ბიზნესდაჯილდოებაში გამარჯვების შემდეგ ახალი ბრენდითა და ახალი ძალებით შევედით ახალ, ვიდეოთამაშების საერთაშორისო ბაზარზე და ძალიან მოკლე დროში კომპანიის წარმადობა ფაქტობრივად გაორმაგდა.

 

მიმაჩნია, რომ მსგავს დაჯილდოებებში მონაწილეობა ყველა ბიზნესისთვის მნიშვნელოვანია. აუცილებელია, საკუთარ თავს და სხვებს დაუმტკიცო, რომ რასაც აკეთებ, მნიშვნელოვანი და ხარისხიანია. შეიძლება პირველ ჯერზე ვერ გაიმარჯვო, მაგრამ მსგავს კონკურსში მონაწილეობა დიდი გამოცდილებაა, რომელიც გუნდს თავდაჯერებულობას და ძალას ჰმატებს.”

მასალის გამოყენების პირობები
სხვა სიახლეები
ბუდუ
ვიდეო - “ბუდუ არის სისტემისთვის ძალიან დიდი საფრთხე”

ჟურნალისტი, ირაკლი წულაია: ბუდუ არის დღეს კონსტიტუციური ჩარჩოებიდან გასული სისტემისთვის ძალიან დიდი საფრთხე, ის ვერანაირმა ზეწოლამ ვერ გააჩერა და თქვა თავის სათქმელი, რითიც იქცა უბრალო მოკვდავებისთვის...

სოცმედია 1719250303

ცორნე კვარა მამარდა
,,ბალაგანია?! თუ მეფის შვილისთვის ყველაფერი შეიძლება?” – მერაბ მეტრველი

ჟურნალისტი მერაბ მეტრეველი ცოტნე ივანიშვილის კვარაცხელიასთან და მამარდაშვილთან გადაღებულ ფოტოს ასე ეხმაურება:ფედერაციამ აუცილებლად უნდა გასცეს პასუხი კითხვას, როგორ მოხვდა შეკრებაზე უცხო ადამიანი? ბალ...

სოცმედია 1719250147

ბორელი
"შევამცირებთ პოლიტიკურ კონტაქტებს საქართველოს ხელისუფლებასთან, ასევე, გავყინავთ მხარდაჭერას მთავრობისათვის" - ბორელი

"შევამცირებთ პოლიტიკურ კონტაქტებს საქართველოს ხელისუფლებასთან, ასევე, გავყინავთ მხარდაჭერას მთავრობისათვის", - ამის სესახებ ევროკავშირის საგარეო საქმეთა მინისტრების სხდომის შემდეგ ევროკავშირის უმაღლეს...

პოლიტიკა 1719249988

ოხანაშვილი
"რა სანქციის მეილი უნდა მომსვლოდა? ასეთი ინფორმაცია არ მაქვს - გამოვიდნენ და თქვან, თუ დამასანქცირეს" - ანრი ოხანაშვილი

"რა სანქციის მეილი უნდა მომსვლოდა? ასეთი ინფორმაცია არ მაქვს - გამოვიდნენ და თქვან, თუ დამასანქცირეს", - ამის შესახებ "ქართული ოცნების" წევრი, აშშ-ის მიერ სანქცირებული ანრი ოხანაშვილი "მთავარი არხის"...

პოლიტიკა 1719249896

ცესკოს თავმჯდომარემ და სახალხო დამცველმა შეხვედრა გამართეს
ცესკოს თავმჯდომარემ და სახალხო დამცველმა მშვიდი და თავისუფალი საარჩევნო გარემოს უზრუნველყოფის საკითხზე შეხვედრა გამართეს

ცენტრალურ საარჩევნო კომისიაში საარჩევნო ადმინისტრატორების საქმიანობისთვის და ამომრჩევლებისთვის საარჩევნო უფლების რეალიზებისთვის მშვიდი და თავისუფალი საარჩევნო გარემოს უზრუნველყოფის მნიშვნელობაზე იმსჯე...

საზოგადოება 1719240184

უილიამ კორტნი
"ოცნებამ" დემოკრატიული ნიღაბი მოიხსნა, მაგრამ ქართველების უმეტესობა მხარს უჭერს EU-ს წევრობას" - კორტნი

"ქართულმა ოცნებამ" დემოკრატიული ნიღაბი მოიხსნა, მაგრამ ქართველების უმეტესობა მხარს უჭერს ევროკავშირის წევრობას", - ამის შესახებ აშშ-ის ყოფილი ელჩი საქართველოში, უილიამ კორტნი X-ზე წერს. "ქართულმა ოცნე...

პოლიტიკა 1719238874