24 ივნისს, სასტუმრო “SHERATON”-ში ბათუმის სახელმწიფო საზღვაო აკადემიის ორგანიზებით დამსაქმებელთა ფორუმი გაიმართება

24 ივნისს, 10:00 საათზე, სასტუმრო “SHERATON”-ში (მის.: ქ.ბათუმი, რუსთაველის ქუჩა #28), ბათუმის სახელმწიფო საზღვაო აკადემიის ორგანიზებით დამსაქმებელთა ფორუმი გაიმართება. ფორუმის გახსნაზე სიტყვით გამოვლენ:  საზღვაო ტრანსპორტის სააგენტოს დირექტორი თამარ იოსელიანი, ბათუმის სახელმწიფო საზღვაო აკადემიის რექტორი, მურთაზ დევაძე და მთავრობის წარმომადგენლები.

,,დამსაქმებელთა ფორუმი“ - ყოველწლიური ღონისძიებაა, რომელიც საშუალებას აძლევს საზღვაო სფეროში მოღვაწე ორგანიზაციებს, გაუზიარონ ერთმანეთს სფეროს სიახლეები, მოთხოვნები და გამოწვევები. ფორუმში მონაწილეობას მიიღებენ: პორტების, საკრუინგო, სასტუმრო, ლოჯისტიკური, ტურისტული, საბანკო, სადაზღვევო და სამშენებლო კომპანიების წარმომადგენლები, რომლებიც წარმოადგენენ აქტიურ ვაკანსიებს.

საზღვაო აკადემიის სტუდენტებსა და კურსდამთავრებულებს ეძლევათ უნიკალური შანსი, ერთ სივრცეში გააცნონ თავი მათთვის საინტერესო ორგანიზაციებს და გაიარონ გასაუბრება სასურველ კომპანიაში.

ღონისძიება იყოფა ორ ნაწილად:  პირველ ნაწილში დაესწრებიან აჭარის მთავრობისა და საზღვაო ტრანსპორტის სააგენტოს წარმომადგენლები, ასევე, საზღვაო აკადემიის პარტნიორი კომპანიები; წარმოდგენილი იქნება საზღვაო აკადემიის ბათუმისა და ფოთის ფილიალების, საზღვაო ტრანსპორტის სააგენტოსა და აჭარის დასაქმების სააგენტოს პრეზენტაციები.

ფორუმზე ასევე ეწყობა ღია-საგამოფენო სივრცე, სადაც ორგანიზაციებს ექნებათ შესაძლებლობა გაესაუბრონ საზღვაო აკადემიის სტუდენტებს და კურსდამთავრებულებს.

საკონტაქტო პირი:

ალინა კოროლევა -  საზოგადოებასთან ურთიერთობის მენეჯერი

ტელ.: +995 568 884646

e-mail: a.koroleva@bsma.edu.ge