ახალი Samsung Galaxy S24 Ultra: რა შესაძლებლობები აქვს 2024 წლის მოდელს

Samsung Galaxy S24 Ultra-ს დიზაინი, ისევე როგორც ფუნქციები შთამბეჭდავია. რატომ? ტიტანიუმის ჩარჩო, დახვეწილი კიდეები, 6.8“-იანი ეკრანი, უამრავი მეგაპიქსელი და რაც მთავარია, ხელოვნური ინტელექტის ფუნქციები სწორედ ამ სმარტფონის განახლებებია.

სტატიაში უფრო დეტალურად გაეცნობი თუ რა სიახლეების აქვს S24 Ultra-ს მობილურებს და რატომ დაიწყო ახალი ხანა Galaxy-ის მობილურების ახალ S24 სერიაში.

S24 Ultra უცვლელად ინარჩუნებს Galaxy Note-ის მემკვიდრეობას. დაწერე, შეეხე და გადადი სხვადასხვა ჩანართზე სწორედ ისეთივე სიზუსტით, როგორიც ყოველთვის გსურდა, ახლა უკვე განახლებულ, ბრტყელ ეკრანზე.

Samsung Galaxy S24 Ultra-ს ტექნიკური მახასიათებლები

მიუხედავად იმისა, რომ წლევანდელი Samsung-ის S სერია უფრო მეტად პროგრამულ უზრუნველყოფასა და ხელოვნური ინტელექტის ფუნქციებზეა ფოკუსირებული, არსებობს რამდენიმე საყურადღებო ტექნიკური განახლებაც.

ეკრანი: სამსუნგის ეკრანები, ზოგადად, გამოირჩევა ფერთა სიმკვეთრით და სიკაშკაშით. 120 ჰერციანი, 6.80“ ეკრანის მქონე Samsung Galaxy S24 Ultra ხელოვნური ინტელექტის ფუნქციებით უზრუნველყოფს მაღალი ხარისხის გამოსახულებას, ფოტოები მაქსიმალურად მკაფიო და მკვეთრია და ყველა დეტალი მაქსიმალურად არის შენარჩუნებული.

AI Zoom ტექნოლოგიით გადაიღებ და აღბეჭდავ შთამბეჭდავ კადრებს, მკვეთრი დეტალებით და უფრო დიდი მანძილიდან.

კორპუსი: Gorilla Glass Armor მობილურის წინა და უკანა მხარეს ხდის მეტად მდგრადს ბზარებისგან, ამიტომ Ultra სერია გაცილებით გამძლე მოდელია.

კამერა: მობილურ ტელეფონს აქვს ოთხი ძირითადი (200 MP + 50 MP + 10 MP + 12 MP) და ერთი 12 მეგაპიქსელიანი სელფის კამერა, 4-8K გარჩევადობით. ეს ყველაფერი იდეალურია შენთვის, იმ შემთხვევაში, თუ ფოტოების გადაღება და სოციალური ქსელები შენი გატაცებაა

ელემენტი: 5000 მილიამპერიანი, ინტეგრირებული ელემენტი ნიშნავს მეტ გამძლეობას, როგორც საუბრის და მუსიკის მოსმენის, ასევე თამაშის პროცესშიც.

ჩიპსეტი: Snapdragon 8 Gen 3 - ყველაზე აშკარა განახლებაა 2024 წლის Samsung Galaxy S24 Ultra-თვის. ჩიპსეტი უნივერსალურია ყველა გლობალური მოდელისთვის და ალბათ ზედმეტია ტექნიკური მახასიათებლების გადახედვაც, რადგან ეს არ არის პირველი მოწყობილობა, რომელიც მუშაობს აღნიშნულ ჩიპსეტზე.

Galaxi AI: ხელოვნური ინტელექტი მობილურ ტელეფონს ანიჭებს უნიკალურ შესაძლებლობებს. ფოტოს გადაღება თუ რედაქტირება, უმარტივესი ძიება ნებისმიერი ობიექტის, ორმხრივი სინქრონული საუბარი 12 სხვადასხვა ენაზე განხორციელებული ზარის შემთხვევაში თუ სხვა.

სამსუნგის ტელეფონები ამ მრავალფეროვანი ტექნიკური განახლებებით გაძლევს სრულიად ახალ გამოცდილებას და მაქსიმალურად ბევრ შესაძლებლობას.