არის თუ არა მიკროტალღური ღუმელი უსაფრთხო ჯანმრთელობისთვის

მიკროტალღური ღუმელი  თანამედროვე სამზარეულოს შეუცვლელი მოწყობილობაა. უამრავი ადამიანისთვის კომფორტული დღე სწორედ მიკროტალღურში გამთბარი საუზმით იწყება. რევოლუციურმა მოწყობილობამ მნიშვნელოვნად შეამცირა და გაამარტივა საკვების გათბობისთვის, მომზადებისა თუ გალღობისთვის საჭირო დრო.

ამ ძალიან მოსახერხებელი მიკროტალღური ღუმელის ირგვლივ უამრავი მითი თუ აზრთა სხვადასხვაობაა.

რამდენად უსაფრთხოა მიკროტალღური ღუმელი და ემუქრება თუ არა საფრთხე ჩვენს ჯანმრთელობას?

არსებობს აზრთა სხვადასხვაობა და უამრავი მითი. ადამიანების ნაწილს სჯერა, რომ მიკროტალღურ ღუმელს დასხივება აქვს, რაც კიბოს გამომწვევია. რა ხდება რეალურად?

როგორ მუშაობს მიკროტალღური ღუმელი

მიკროტალღური ღუმელი საკვების გასათბობად იყენებს მიკროტალღებს, რომელსაც ღუმელში სპეციალური მოწყობილობა - მაგნეტრონი აწარმოებს. ეს მიკროტალღები იწვევს საკვებში არსებული წყლის მოლეკულების ვიბრაციას და ხახუნს, რაც წარმოქმნის სითბოს და საკვები თბება შიგნიდან გარეთ.

მიკროტალღებს არ გააჩნია საკმარისი ენერგია, რომ საკვებში, იონიზაციის გზით, ნივთიერებები ქიმიურად შეცვალოს. ეს არამაიონიზებელი გამოსხივებაა, შესაბამისად, ვერც რაიმე რისკის შემცველი იქნება. მიკროტალღური ენერგია, მხოლოდ, იცვლება სითბოდ და არ ხდის საკვებს რადიოაქტიურს.

სხივებმა გარეთ რომ არ გამოჟონოს, ღუმელის კონსტრუქცია კარგად არის შეფუთული ლითონის კარკასით.

უსაფრთხოების სტანდარტები

იმისთვის რომ მოწყობილობა იყოს უსაფრთხო გამოსაყენებლად, აუცილებელია, რომ მწარმოებელი ბრენდები აკმაყოფილებდნენ რადიაციული უსაფრთხოების მკაცრ სტანდარტებს და ფლობდნენ შესაბამის სერტიფიკატს.

● დაზიანებულმა მიკროტალღურმა ღუმელმა შეიძლება გამოიწვიოს მიკროტალღური ენერგიის გარეთ გაჟონვის რისკი

● უსაფრთხო მიკროტალღურ ღუმელს არ უნდა ჰქონდეს დაზიანებული კარის საკეტები ან ლუქები და უნდა იხსნებოდეს/იხურებოდეს გამართულად

● მიკროტალღურ ღუმელში საკვების მომზადება არ ამცირებს საკვების კვებით ღირებულებას

რა უნდა გაითვალისწინო, რომ მიკროტალღურმა ღუმელმა უსაფრთხოდ იმუშაოს

გამოიყენე უსაფრთხო ჭურჭელი, რომელიც სპეციალურად დამზადებულია მიკროტალღურ ღუმელში გამოსაყენებლად
არ გამოიყენო მიკროტალღური ღუმელი, თუ კარი არ იხურება მყარად, ან არის მოხრილი, დახრილი ან სხვაგვარად დაზიანებული. ამ შემთხვევაში, 100 პროცენტით ვერ იქნები დარწმუნებული, რომ მიკროტალღური გამოსხივება არ გამოიყოფა
შეწყვიტე მიკროტალღური ღუმელის გამოყენება, თუ ის განაგრძობს მუშაობას ღია კარით
არ დადგე პირდაპირ ღუმელთან საკვების გათბობისას
არ გადააჭარბო გათბობისთვის რეკომენდებულ დროს. არ გაცხელო წყალი ან სითხეები მწარმოებლის ინსტრუქციებში მითითებულ დროზე დიდხანს
რეგულარულად გაწმინდე ღუმელის შიდა დაფარვა წყლით და რბილი ქსოვილით. არ გამოიყენო ფოლადის ბამბა ან სხვა აბრაზიული საშუალებებიდაიცავი მიკროტალღური ღუმელის ინსტრუქციაში მოცემული სიფრთხილის ზომები და რეკომენდაციებიროგორც ხედავ, თუ ღუმელი ტექნიკურად გამართულია, ადამიანის ჯანმრთელობას არაფერი ემუქრება. მიკროტალღური ღუმელი რჩება საკვების გასათბობად ხელსაყრელ საშუალებად და უსაფრთხოა ყველასთვის, მათ შორის, ორსულებისა და ბავშვებისთვისაც.