ავტომატიზებული კომუნალური გადახდები თიბისი ფეიზე

კომუნალური გადასახადების დაფარვა ჩვენი ყოველდღიურობის ნაწილია. ყოველ თვეში გვიწევს, თვალი ვადევნოთ მოსალოდნელ გადასახადებს და შემდეგ არ გამოგვრჩეს გადახდის თარიღი. ეს საკმაოდ დამთრგუნველი პროცესია, თუკი გავითვალისწინებთ იმას, რომ გადასახადი არა ერთ, არამედ რამდენიმე სხვადასხვა კომუნალურ სერვისზე გვიწევს.

თიბისი ფეიმ კარგად შეისწავლა მომხმარებლების საჭიროება და შექმნა პლატფორმა, რომელიც ერთმნიშვნელოვნად მარტივ და ინტუიციურ სერვისს გვთავაზობს. თიბისი ფეის ვებსაიტი და აპლიკაცია სრულადაა მორგებული მომხმარებლის გამოცდილებაზე. ორივე მათგანს გამოარჩევს მარტივი ნავიგაცია, კომფორტული ინტერფეისი და, რაც მთავარია, ვებსაიტითა და აპლიკაციით სარგებლობა უფასოა.

ელექტროენერგიის, ბუნებრივი აირის, წყლისა თუ დასუფთავების გადასახადის დაფარვა თიბისი ფეიზე სულ რამდენიმე კლიკში შეგიძლიათ. აქ ერთ კატეგორიაშია თავმოყრილი კომუნალური გადასახადები, ასევე ნებისმიერი პროვაიდერი მთელი ქვეყნის მასსშტაბით. თქვენ უბრალოდ იპოვით სასურველ სერვისს და შეასრულებთ გადახდას რამდენიმე წამში.

თუკი გსურს, საერთოდ აიცილო თავიდან კომუნალურ გადასახადებზე ფიქრი, თიბისი ფეის ამის გადაწყვეტაც აქვს. ჩართე ავტომატური გადახდის სერვისი და პლატფორმა თავად დაფარავს თანხას შესაბამის თარიღში. რაც მთავარია, თიბისი ფეიდან შესრულებული გადახდა მომენტალურად აისახება.

ასევე შესაძლებელია შეხსენების სერვისის გააქტიურება. ეს ხელსაყრელია მაშინ, როცა მოსალოდნელი გადახდის თარიღი შეიძლება დაგავიწყდეთ ან გამოგრჩეთ. აპლიკაცია წინასწარ შეგახსენებთ, რომ რამდენიმე დღეში, მაგალითად, ელექტროენერგიის გადასახადის დაფარვა გიწევთ.

როგორც ხედავთ, თიბისი ფეის სამომხმარებლო გამოცდილება სრულადაა მორგებული ჩვენს სურვილებსა და საჭიროებებს. რაც მთავარია, პლატფორმა სრულად უსაფრთხოა და აღჭურვილია უახლესი დაცვის სისტემებით.