ფიზიოთერაპიის როლი გამოჯანმრთელების პროცესში

ფიზიოთერაპია მნიშვნელოვან  როლს თამაშობს დაზიანებების, დაავადებების, ოპერაციების შემდგომ აღდგენის პროცესში. მდგომარეობები, რომლის დროსაც ფიზიოთერაპია გამოიყენება არის: წელის ტკივილი,  კისრის ტკივილი, სახსრების ტკივილი (მაგ.ართრიტი/ართროზი), კუნთის დაჭიმულობა, ტენდინიტი, მოტეხილობა, პოსტ-ოპერაციული რეაბილიტაცია,ოსტეოპოროზი, სპორტული ტრავმები და სხვა.

რას მოიცავს ფიზიოთერაპია? 

ფიზიოთერაპია მისი მრავალფუნქციურობის გამო მკურნალობის ერთ-ერთი მნიშვნელოვანი  მეთოდია. მისი ძირითადი ასპექტებია:

● შეფასება და დიაგნოზი: თერაპევტი აფასებს  პაციენტის მდგომარეობას მათ შორის ფიზიკური შესაძლებლობებს, შეზღუდვებს,ტკივილს და ა.შ. ეს ეხმარება თერაპევტს სამკურნალო გეგმის შედგენაში.

● მკურნალობის დაგეგმვა: შეფასების შედეგების საფუძველზე,თერაპევტები ადგენენ მკურნალობის პესონალიზებულ გეგმას.ეს გეგმა ხშირად მოიცავს თერაპიულ ვარჯიშებს, მანუალური თერაპიის ტექნიკებს,სითბოსა და სიცივის თერაპიას და სხვა.

● ტკივილის მართვა:ფიზიოთერაპევტები სხვადასხვა ტექნიკას იყენებენ ტკივილის სამართავად,მათ შორის მანუალურ თერაპიას,თერაპიულ ვარჯიშებს, ელექტროთერაპიას,ულტრაბგერით თერაპიას და სხვა.

● მოქნილობისა და ფუნქციის გაუმჯობესება:ფიზიოთერაპია ფოკუსირებულია  მოძრაობისა და ფუნქციის აღდგენაზე.

● დაზიანებების პრევენცია:თერაპევტები ასწავლიან პაციენტებს ტრავმის პრევენციას რათა შეამცირონ დაზიანებების რისკი.

● დამოუკიდებლობის ხელშეწყობა:ფიზიოთერაპია პაციენტს საშუალებას აძლევს აქტიურად ჩაერთოს საკუთარ გამოჯანმრთელების პროცესში,ისწავლოს თვითმართვის სტრატეგიები ივარჯიშოს სახლის პირობებში დამოუკიდებლად.ეს ხელს უწყობს მკურნალობის გრძელვადიანი გეგმის ბოლომდე მიყვანს და საუკეთესო შედეგის მიღებას.

● ოპერაციის ან ტრავმის შემდგომი რეაბილიტაცია:რეაბილიტაცია  ოპერაციების ან ტრავმის შემდეგ მკურნალობის განუყოფელი ნაწილია.

● ზოგადი ჯანმრთელობისა და კეთილდღეობის მხარდაჭერა 

ფიზიოთერაპია მრავალმხრივ როლს ასრულებს გამოჯანმრთელების პროცესში. მისი მულტიფუნქციურობა მოიცავს შეფასებას, მკურნალობას,პრევენციას და პაციენტის განათლებას,რაც პაციენტის ზოგადი კეთილდღეობისკენაა მიმართული.

მდგომარეობები, რომლის დროსაც გამოიყენება ფიზიოთერაპია

1. ძვალ-კუნთოვანი დაზიანებები: 

● წელის ტკივილი

● კისრის ტკივილი

● სახსრების ტკივილი (მაგ. ართრიტი)

● კუნთის დაჭიმულობა

● ტენდინიტი და სხვა

2. ნევროლოგიური დაზიანებები

● ინსულტი

● გაფანტული სკლეროზი

● პარკინსონის დაავადება

● თავისა და ზურგის ტვინის ტრავმული დაზიანება და ა.შ

3. კარდიოპულმონალური დაზიანებები 

● ფილტვების ქრონიკული ობსტრუქციული დაავადება

● ასთმა

● გულ-სისხლძარღვთა სისტემის დაავადებების რეაბილიტაცია და ა.შ

4. ორთოპედიული დაზიანებები

● მოტეხილობები

● პოსტ-ოპერაციული რეაბილიტაცია

● ოსტეოპოროზი და ა.შ

5. სპორტული დაზიანებები

● მყესებისა და კუნთების დაზიანება

● სახსრების არადოზირებული გამოყენების შედეგად მიღებული დაზიანებები

● თავის ტვინის შერყევის მართვა და სხვა

6. პედიატრიული დაზიანებები

● განვითარების დარღვევები

● ცერებრალური დამბლა

● პედიატრიული ორთოპედიული დაზიანებები და ა.შ

7. გერიატრია

● დაცემის პრევენცია

● ბალანსის დარღვევა

● ასაკთან დაკავშირებული მობილობის შემცირება და ა.შ

8. ქალთა ჯანმრთელობა

● მენჯის ფსკერის დისფუნქცია

● ორსულობასთან დაკავშირებული ზურგის ტკივილი

● მშობიარობის შემდგომი რეაბილიტაცია და ა.შ

9. სამუშაო პროცესთან დაკავშირებული დაზიანებები

● განმეორებითი მოძრაობების შედეგად გამოწვეული დაზიანებები

● სამუშაოსთან დაკავშირებული კუნთოვანი სისტემის დარღვევები და ა.შ

10. ტკივილის მართვა

● ქრონიკული ტკივილი

● შაკიკი და თავის ტკივილი

● საფეთქელ-ქვედაყბის სახსრის ტკივილი და  სხვა.

ეწვიეთ ახალი ხედვის სარეაბილიტაციო ცენტრის საიტს და მიიღეთ უფრო მეტი ინფორმაცია ფიზიოთერაპიის შესახებ.