„ჯიესენის“ მაღალი ხარისხის თერმული და ფისკალური პრინტერები

კომპანია „ჯიესენი“ საქართველოში ლიდერია სავაჭრო მოწყობილობების სფეროში. იგი წლებია წარმატებულად ოპერირებს ბაზარზე და 15 ფილიალი აქვს ქვეყნის მასშტაბით. კომპანიის მიერ წარმოდგენილი პროდუქცია მაღალი ხარისხისაა და შეესაბამება თანამედროვე სტანდარტებს. სწორედ ამიტომ მისი მომხმარებელი უკვე არაერთი კარგად ცნობილი სავაჭრო ობიექტია.

„ჯიესენში“ შეძენილ პროდუქტს მოჰყვება გარანტია. ამასთან, სრული კომფორტის შესაქმნელად კომპანია გთავაზობთ ტექნიკოსის ადგილზე მომსახურების სერვისს, რაც ნამდვილად დაზოგავს თქვენს ძვირფას დროს.

რა განსხვავებაა თერმულ და ფისკალურ პრინტერებს შორის?

ფისკალური პრინტერი არის სალარო კომპიუტერული სისტემის გარე მოწყობილობა ფისკალური მეხსიერებით, რომელიც ფუნქციონირებს გარე პროგრამულ-ტექნიკური მოწყობილობების თანხლებით.

„ჯიესენი“ გთავაზობთ ფისკალურ პრინტერს Daisy FX 1300. იგი გახლავთ მოწყობილობა, რომელშიც გაერთიანებულია სალარო აპარატი და თერმული პრინტერი. მას გააჩნია ავტომატური საჭრელი და გამარტივებულია ქაღალდის ჩატვირთვის ფუნქცია; უერთდება პერსონალურ კომპიუტერს, პოს სისტემას, ფულის ყუთსა და მომხმარებლის ეკრანს. ის შეესაბამება ყველა ტიპის კომერციულ ობიექტს, როგორებიცაა: მაღაზიები, ბენზინგასამართი სადგურები, რესტორნები, სუპერმარკეტები და სხვა.

თერმული პრინტერი კომპაქტური და ერგონომიული დიზაინით გამოირჩევა. ის შეიძლება გამოიყენოთ როგორც ცალკე დასადგამ პრინტერად, ისე კედელზე დასამონტაჟებელ მოწყობილობად სივრცის დაზოგვის მიზნით. მას აქვს სპეციალური რეჟიმი, რომელიც ზოგავს 25%-მდე ქაღალდს.

„ჯიესენი“ გთავაზობთ თერმულ პრინტერს - SP, რომელსაც აქვს დახვეწილი და კომპაქტური დიზაინი. პერსონალურ კომპიუტერთან დაინსტალირების შემდეგ, ინფორმაცია იბეჭდება 80 მილიმეტრიან თერმო ქაღალდზე.

პრინტერების შეძენა შესაძლებელია ონლაინ www.gsn.ge-ს საიტიდან და ასევე კომპანიის ფილიალებში საქართველოს სხვადასხვა ქალაქში.