როგორ გადავიხადოთ ფინანსური სერვისები თიბისი ფეიზე?

ბევრ ჩვენგანს უწევს ფინანსური სერვისების დაფარვა - იქნება ეს საბანკო სესხი თუ დაზღვევა. ამ გადასახადების მართვა კიდევ უფრო რთული ხდება, თუ პროდუქტი რამდენიმეა, მაგალითად, არამარტო ჩვენი, არამედ ჩვენი ოჯახის წევრების დაზღვევის საფასურის გადახდაც გვიწევს.

პროდუქტების სიმრავლეს იქამდე მივყავართ, რომ დამატებითი შფოთვა გვემატება ფინანსების მართვისას - არ გამოგვრჩეს გადახდის მოახლოებული თარიღი ან არ დაგავიწყდეს სესხის დაფარვა.

ამ პროცესებს ბევრად შეამსუბუქებს ის ფაქტორი, რომ თიბისი ფეიზე შეგიძლია ნებისმიერი ფინანსური გადასახადი ერთ სივრცეში დაფარო - კი, დაზღვევაც და საბანკო სესხიც, მიუხედავად პროვაიდერისა თუ თანხის მოცულობისა. აქვე შეგიძლია პრობლემური აქტივების გადახედვა და გადახდაც.

თიბისი ფეის სერვისებში 50-ზე მეტ სხვადასხვა ბანკსა თუ მიკროსაფინანსო ორგანიზაციას ნახავ, აქვეა სხვადასხვა სადაზღვევო კომპანიებიც, მაგალითად, თიბისი დაზღვევა, ალტა, ჯიპიაი ჰოლდინგი, არდი, ალდაგი, ალფა და ა.შ.

თიბისი ფეიზე ნავიგაცია მარტივია, დიზაინიც სასიამოვნო და კომფორტულია. პროცესები ისეა აგებული, რომ ნებისმიერმა მომხმარებელმა თანხის გადახდა მარტივად შეძლოს. არც ქვითარზე გიწევს ფიქრი - ელექტრონული ქვითრის გადმოწერა და შენახვა ყველა ტრანზაქციის შემდეგ შეგიძლია.

რაც მთავარია, ნებისმიერი ფინანსური სერვისის გადახდას ავტორიზაციის გარეშე შეძლებ. თუმცა, თუკი გსურს, რომ ჩართო ავტომატური სერვისები, მაშინ მარტივად შეგიძლია დაამატო ყოველთვიური გადახდა - ამ შემთხვევაში შენ აღარ მოგიწევს ხელით ინფორმაციის შეყვანა და მითითებულ დროს სისტემა თავად გადარიცხავს შესაბამის თანხას. ასე ფინანსების მართვა უფრო მარტივია და თან დამატებითი საზრუნავიც მოგაკლდება.