საქართველოს ბანკისა და MASE-ს ნიკა გუჯეჯიანის სასტიპენდიო პროგრამის გამარჯვებული ცნობილია

საქბანკი სტიპენდია

საქართველოს ბანკი ნიჭიერი, მიზანდასახული და შემოქმედებითი ახალგაზრდებისთვის განათლების შესაძლებლობების შექმნას აქტიურ რეჟიმში განაგრძობს. სწორედ ამ მიზნით, ბანკისა და Miami Ad School Europe-ის მიერ შექმნილი ნიკა გუჯეჯიანის სასტიპენდიო პროგრამის ფარგლებში, კიდევ ერთი ქართველი სტუდენტი მსოფლიოს წამყვან კრეატიულ სკოლაში სასწავლებლად გაემგზავრება.

 

წლევანდელი სასტიპენდიო პროგრამის გამარჯვებული სოფი ივანიშვილია, ის ორი წლის განმავლობაში ბერლინში, MASE-ში 100%-იანი დაფინანსებით ისწავლის Art Direction-ის მიმართულებით - გაივლის პრაქტიკულ კურსებს, ექნება შესაძლებლობა, იმუშაოს მსოფლიოში ცნობილ კრეატიულ სააგენტოებთან, დააგროვოს როგორც თეორიული ცოდნა, ასევე პრაქტიკული გამოცდილება და გახდეს გლობალური კრეატიული ქსელის წევრი.

 

აღსანიშნავია, რომ წელს სასტიპენდიო პროგრამაზე განსაკუთრებით დიდი რაოდენობის - 160-ზე მეტი აპლიკაცია შევიდა. პირველ ეტაპზე ჟიურიმ გამორჩეული და ორიგინალური იდეის მქონე პორტფოლიოს ავტორები გამოავლინა, შემდეგ კი 5 საუკეთესი შედეგის მქონე მონაწილე შეარჩია, რომელთაგანაც სოფი ივანიშვილი გამარჯვებულად დაასახელა.

აპლიკანტებს ქართველი კრეატიული  სფეროს პროფესიონალები და MASE-ს გუნდის წევრები აფასებდნენ.

 

„საქართველოს ბანკი აქტიურად აგრძელებს ქართველი ახალგაზრდებისთვის ხარისხიანი განათლების მიღების შესაძლებლობების შექმნას როგორც საქართველოში, ასევე მის საზღვრებს გარეთ. ჩვენ MASE-სთან ერთად ოთხი წლის წინ შევქმენით საქართველოს ბანკის ყოფილი თანამშრომლის და ამავე სკოლის კურსდამთავრებულის, ნიკა გუჯეჯიანის სახელობის სასტიპენდიო პროგრამა. ჯამურად მივიღეთ 300-ზეტი აპლიკაცია და ჩვენი ერთობლივი ინიციატივით, უკვე სამმა ახალგაზრდამ გააგრძელა სწავლა ბერლინის Miami Ad School Europe-ში Art Direction-ისა და Copywriting-ის ორწლიან პორტფოლიო პროგრამაზე. წელს მათ რიცხვს სოფი ივანიშვილიც შეუერთდა. ძალიან გვახარებს, რომ პროგრამის მიმართ დაინტერესება ყოველწლიურად იზრდება, განსაკუთრებით კი ის ფაქტი, რომ წელს აპლიკაციების რეკორდული რაოდენობა - 160-ზე მეტი აპლიკაცია - მივიღეთ. აღნიშნული შედეგები ხაზს უსვამს იმას, რომ სწორი მიმართულებით მივდივართ, ეს კი გვაძლევს უფრო მეტ მოტივაციას, არ გავჩერდეთ, შევქმნათ ახალგაზრდებისთვის განვითარებისა და პოტენციალის გამოვლენის კიდევ უფრო მეტი შესაძლებლობა, რაც მომავალში უკეთესი, უფრო ინკლუზიური და განათლებული საზოგადოების ჩამოყალიბებას შეუწყობს ხელს“, - აღნიშნავს ანა ლომთაძე, საქართველოს ბანკის CSR მიმართულების ხელმძღვანელი.

 

ინფორმაციისთვის, ნიკა გუჯეჯიანის სახელობის სტიპენდიის ფარგლებში, სტუდენტს სწავლის 50%-ს Miami Ad School Europe-ი უფინანსებს, 50%-ს კი - საქართველოს ბანკი. შესაბამისად, სტიპენდია სწავლის საფასურის 100%-ით დაფინანსებას გულისხმობს.

მასალის გამოყენების პირობები
სხვა სიახლეები
სოსო-პავლიაშვილი
„თუ დამიკავშირდებიან და საქართველოს საფეხბურთო ნაკრებზე სიმღერას დაწერას მთხოვენ, აუცილებლად დავწერ" - სოსო პავლიაშვილი

საქართველოს ნაკრების ევროპის ჩემპიონატზე თამაშის ფონზე, რუსული მედია, სოსო პავლიაშვილის კომენტარს აქვეყნებს.   „ძალიან მოკრძალებული ადამიანი ვარ. თუ დამიკავშირდებიან და მეტყვიან, რომ ასეთი სიმღერა გვჭ...

საზოგადოება 1719281237

ცორნე კვარა მამარდა
„რახან ცოტნე ივანიშვილი ქოცების იმპერატორის უფლისწულია ამიტომ მოსულა? გაგვცეს პასუხი ფეხბურთის ფედერაციამ“ - ალეკო ელისაშვილი

"მოქალაქეების" ლიდერი, ალეკო ელისაშვილი საქართველოს ფეხბურთის ფედერაციისგან განმარტებებს ითხოვს - ოპოზიციონერი პოლიტიკოსი სოციალურ ქსელში ცოტნე ივანიშვილის ფოტოს აქვეყნებს, სადაც ქართველი ოლიგარქის შვ...

პოლიტიკა 1719281117

ქოჩორა
"ვამაყობ შენით, გიორგი" - "ლევანტე" გიორგი ქოჩორაშვილს ქართულად მიმართვს

"ვამაყობ შენით, გიორგი" - ასე ეხმაურება ესპანური საფეხბურთო კლუბი "ლევანტე" საქართველოს ეროვნული საფეხბურთო ნაკრების წევრის, გიორგი ქოჩორაშვილის ევროპის ჩემპიონატზე ასპარეზობას. "ლევანტე" სოციალურ ქსე...

სპორტი 1719281029

კალაძე კ
„როგორც „გამჭვირვალობის კანონი“ იყო რუსული, ისე ვაყენებ მე საქართველოს ეროვნული ნაკრების შემადგენლობას“ - კახა კალაძე

„დარწმუნებული ვარ იმ ჟინით, სულისკვეთებითა და მონდომებით, რაც პირველ ორ თამაშზე აჩვენა ჩვენმა ნაკრებმა, შესაძლებელია პორტუგალიასთან წარმატებას მივაღწიოთ“, - ამის შესახებ დედაქალაქის მერმა სოციალურ ქსე...

საზოგადოება 1719280811

ქეთათო
ვიდეო: „წლებია მაქვს გარკვეული ურთიერთობა, ხან ვშორდებით ერთმანეთს ხან ვრიგდებით“ – ქეთათო პირად ცხოვრებაზე

ქეთათო პოპიაშვილი გადაცემის „პირველი სტუდია“ სტუმარია, რომლის ეთერშიც პირადი ურთიერთობის შესახებ საუბრობს. მისი თქმით, აქვს ურთიერთობა, რომელსაც არანაირ სტატუსს არ ანიჭებს, როგორც ირაკლი ჩარკვიანთან ა...

საზოგადოება 1719280674

საქართველო-ევროკავშირი
კონტაქტების შემცირება და თანხების გაყინვა - EU-ს რამდენი ქვეყნის თანხმობაა საჭირო შეზღუდვების დასაწესებლად

არის თუ არა საჭირო ევროკავშირის 27-ვე სახელმწიფოს თანხმობა საქართველოს მთავრობისთვის გამოყოფილი დაფინანსების გაყინვასთან დაკავშირებით? - ევროპარლამენტის საპარლამენტო მრჩეველი "მწვანეთა პარტიიდან", თამ...

პოლიტიკა 1719280395