უძრავი ქონების დეველოპერულმა კომპანიამ ,,ბიოგრაფი ლივინგმა“ ,,საქართველოს ბანკთან“ და სამშენებლო კომპანია ,,ანაგთან“ თანამშრომლობის მემორანდუმი გააფორმა

anafi

უძრავი ქონების დეველოპერულმა კომპანიამ ,,ბიოგრაფი ლივინგმა“ ,,საქართველოს ბანკთან“ და სამშენებლო კომპანია ,,ანაგთან“ თანამშრომლობის მემორანდუმი გააფორმა. შესაბამისად, ცნობილი გახდა, რომ თბილისში, ვაჟა-ფშაველას #25-ში  კომპანიის პირველი მრავალფუნქციური საცხოვრებელი პროექტის ,,საკენის“ მშენებლობას ,,ანაგი“ განახორციელებს. პროექტი ,,საქართველოს ბანკის“ მიერ არის დაფინანსებული და მისი მშენებლობა, რომელიც აქტიურ ფაზაშია, 2026 წელს დასრულდება.

„მოხარული ვართ, რომ გვაქვს შესაძლებლობა „ბიოგრაფი ლივინგის“ პირველი მრავალფუნქციური პროექტის - „საკენი“ მთავარი პარტნიორები წარვადგინოთ.  ჩვენთვის მშენებლობის ხარისხი უპირველესი პრიორიტეტია იმისთვის, რომ მომხმარებლის ნდობა გავამართლოთ. შესაბამისად კონკურენტული შერჩევის გზით გამოვავლინეთ მშენებელი კომპანია ,,ანაგი“, რომელიც დარგში მრავალწლიანი გამოცდილებით და კარგი საქმიანი რეპუტაციით სარგებლობს.

ჩვენი პირველი პროექტის ფარგლებში ვთანამშრომლობთ ისეთ ძლიერ ფინანსურ ინსტიტუტთან, როგორსაც ,,საქართველოს ბანკი“ წარმოადგენს. ვფიქრობთ, რომ საფინანსო სექტორში წამყვანი ბანკის მხარდაჭერა ჩვენი მომხმარებლის ნდობას განამტკიცებს, კიდევ უფრო შეუწყობს ხელს სექტორის განვითარებას და ქმნის მყარ საფუძველს მომავალი თანამშრომლობისთვის“, - განაცხადა ვასილ ფხაკაძემ, „ბიოგრაფი ლივინგის“ აღმასრულებელმა დირექტორმა.

,,კომპანია „ანაგი“ 34 წელია სტაბილურად არის წარმოდგენილი ქართულ სამშენებლო სექტორში. ჩვენს პორტფელში 300-მდე წარმატებით დასრულებული პროექტი და 200-მდე დამკვეთია. კომპანია „ბიოგრაფი ლივინგთან“ ჩვენი თანამშრომლობა პროექტ „საკენის“ ფარგლებში, ჩვენთვის ძალიან საინტერესოა. აღნიშნული პროექტი გამოირჩევა მრავალფეროვანი არქიტექტურული ფორმებით და შენობის სიმაღლესთან ერთად ქმნის რთულ კონსტრუქციულ სქემას, რომელიც სამშენებლო თვალსაზრისით  ერთგვარი გამოწვევაა, რომლისთვისაც ჩვენი კომპანია სრულად მზად არის“, -  განაცხადა ირაკლი გოგოლიშვილმა, სამშენებლო კომპანია ,,ანაგის“ გენერალურმა დირექტორმა.

„საქართველოს ბანკისთვის ერთ-ერთ მთავარ პრიორიტეტს ბიზნესი მხარდაჭერა და მისთვის საიმედო პარტნიორობის გაწევაა. სწორედ ამიტომ, გვიხარია, რომ  ჩვენი წვლილი შეგვაქვს ისეთი მნიშვნელოვანი პროექტის განხორციელებაში, როგორიც  „ბიოგრაფი ლივინგის“ მასშტაბური, მულტიფუნქციური საცხოვრებელი კომპლექსის მშენებლობაა. ბანკში მუდმივად ვცდილობთ წავახალისოთ სამშენებლო სექტორი და ხელი შევუწყოთ კიდევ უფრო განვითარებაში. უძრავი ქონების ბაზრისადმი ინტერესი მუდმივად მზარდია, ამის დასტურია გალტ & თაგარტის  უძრავი ქონების ბაზრის კვლევაც, რომლის მიხედვით 2015 წლიდან 2022 წლის ჩათვლით გაცემული ნებართვებით აშენებული მრავალბინიანი

სახლების 82% უკვე გაყიდულია. ამავე კვლევის მიხედვით, პროექტებში, რომლებიც 2023 წელს სრულდება, ბინების 95% გაყიდულია. აღსანიშნავია, რომ კომპანია „ბიოგრაფი ლივინგი“ ამით არ ჩერდება და მას მასშტაბური გეგმები აქვს. კომპანიის მენეჯმენტი სამომავლოდ ქალაქის რამდენიმე უბანში, მათ შორის  წერეთელზე და ისანში რამდენიმე მსგავსი მრავალფუნქციური საცხოვრებელი პროექტის განხორციელებას გეგმავს. ბუნებრივია, ბანკი, როგორც სანდო პარტნიორი ამ პროექტების განხორციელებაშიც საკუთარ წვლილს შეიტანს. გვინდა წარმატებები ვუსურვოთ გუნდს. ჩვენ  არ ვჩერდებით და ვაგრძელებთ სამშენებლო სექტორის მხარდაჭერას ჩვენს პარტნიორ  ბიზნესებთან ერთად“, - განაცხადა ზურაბ ქოქოსაძემ, საქართველოს ბანკის გენერალური დირექტორის მოადგილემ.

უძრავი ქონების დეველოპერული კომპანია ,,ბიოგრაფი ლივინგი“ ბაზარზე 2023 წლის მაისში გამოჩნდა და მომხმარებელს ორ მრავალფუნქციურ საცხოვრებელ პროექტს სთავაზობს. ,,საკენი“ - რომელიც მდებარეობს ვაჟა ფშაველას #25-ში და ,,მატიანი“ - წერეთლის გამზირი #45. პროექტებს გამოარჩევს მდებარეობა, მულტიფუნქციურობა, ასევე ხასიათი და არქიტექტურა, რომელიც მნიშვნელოვან როლს შეასრულებს თბილისის ურბანული გარემოს გაჯანსაღებასა და განახლებაში. 

"ბიოგრაფი ლივინგის“  მიერ შექმნილი საცხოვრებელი პროექტები ხელს შეუწყობს ქალაქის საერთო კეთილდღეობასა და წარმატებას, ხოლო უძრავი ქონებით დაინტერესებულ პირებსა და პარტნიორებს სთავაზობს მუდმივად მზარდ ღირებულებებს. კომპანია მომავალ წელს კიდევ არაერთი მასშტაბური, ახალი პროექტების დაანონსებას გეგმავს.

მასალის გამოყენების პირობები
სხვა სიახლეები
მირცხულავა
„ასეთი ამჩემფეხება ხალხი როგორ ხართ, კაცო“ – გოჩა მირცხულავა

ანალიტიკოსი გოჩა მირცხულავა: უღმერთოებო და უსარგებლოებო! ის დაბრუნებული კაცი მოიკითხეთ მაინც? თქვენთვის მობრუნდა და იმის ღირსიც არ არის იცოდეთ სადაა, რა უჭირს, რა სტკივა, რას განიცდის, რა აწუხებს? ასე...

სოცმედია 1708563089

ხაზარაძე ივანიშვილი
“თქვი რამდენი გადაიხადე ბიუჯეტში, რამდენი კაცი დაასაქმე, მერე მე განახებ, რამდენი მაქვს გადახდილი, რამდენი დასაქმებული” – მამუკა ხაზარაძე ბიძინა ივანიშვილს

“ლელოს” დამფუძნებელმა მამუკა ხაზარაძემ ბიძინა ივანიშვილს “ტვ პირველიდან” მიმართა და განაცხადა: ბიძინა ივანიშვილს არ აქვს იმდენი გადახდილი ბიუჯეტში, რამდენიც მე და ჩემს შექმნილ კომპანიებს, ეს არის კანო...

პოლიტიკა 1708562713

საბა ჭიკაიძე
უნდა გაიკეთოს თუ არა აბორტი ქალმა, თუ მეორე ნახევარს ბავშვი არ უნდა? - მამა საბა ჭიკაიძის პასუხი (ვიდეო)

უნდა გაიკეთოს თუ არა აბორტი ქალმა, თუ მეორე ნახევრის ოჯახი ემუქრება და თვითონ მეორე ნახევარსაც არ უნდა ბავშვი? - მამა საბა ჭიკაიძე ქართველი ემიგრანტის კითხვას პასუხობს.  

სოცმედია 1708546920

მარტოხელა
რა თვისებები უშლის ხელს ქალს, რომ ნამდვილ სიყვარულს შეხვდეს

ფსიქოლოგების აზრით, არსებობს ელემენტარული "ცუდი ჩვევები", რომელიც, შეიძლება, ქალს ნამდვილი სიყვარულის პოვნაში  უშლიდეს ხელს. აგრძელებთ წარსულ ურთიერთობებში ცხოვრებას გაინტერესებთ თქვენი ყოფილი - როგორ...

ეს საინტერესოა 1708546620

ხოფერია
"ვზივარ ჩემთვის წყნარად, თვინიერად… რაც მთავარია, მშვიდად… მშვიდად ვარ, იმიტომ, რომ ბიძინა დაბრუნდა პოლიტიკაში" - ხათუნა ხოფერია

“აუფ… სად, რატომ, რა პონტში გავახსენდი დავით დარჩიაშვილს?! ვზივარ ჩემთვის წყნარად, თვინიერად… რაც მთავარია, მშვიდად… მშვიდად ვარ, იმიტომ, რომ ბიძინა დაბრუნდა პოლიტიკაში. ჰო, ვენდობი ამ ადამიანს ერთი უ...

სოცმედია 1708546380

ჰალკი
ძალიან ლამაზი ხარო - მითხრა ერთმა ქალბატონმა, მერე დავშორდი... მივხვდი, რომ აფერისტი იყო - "ქართველი ჰალკი" (ვიდეო)

ქართველმა მკლავჭიდელმა, ლევან საგინაშვილმა გადაცემა „იმედის დღის“ ეთერში საკუთარ ცხოვრებასა და კარიერაზე ისაუბრა. ქართველი „ჰალკი“ იხსენებს პირველ გამარჯვებას - როდესაც კლასელს გადაუწია ხელი. "ყველაზე...

საზოგადოება 1708546080