22 სექტემბერს "თეთრი შოკოლადის დღე" აღინიშნება

როდესაც შოკოლადს ვახსენებთ, წარმოვიდგენთ ყავისფერ გემრიელ ფილას, რომელიც დედამიწის მოსახლეობის უმრავლესობას უყვარს, თუმცა, როგორც იცით, ასევე არსებობს თეთრი და ლალისფერი (ახალი სახეობა, რომელიც სულ რამდენიმე წლის წინ შეიქმნა) შოკოლადი, სწორედ თეთრი შოკოლადის საერთაშორისო დღე აღინიშნება მსოფლიოში 22 სექტემბერს.

ბევრმა არ იცის, რომ ნამდვილი თეთრი შოკოლადის შესაქმნელად მკაცრი წესების დაცვაა საჭირო. აშშ-სა და ევროკავშირში ამ ტკბილეულის რეალიზაციის მკაცრი რეგულაციები არსებობს. ის მზადდება მშრალი რძის, შაქრისა და კაკაოს ზეთისგან. მასში არ არის კაკაოს მყარი მყარი ნივთიერებები, რომელსაც შავი და რძიანი შოკოლადი შეიცავს. თეთრი შოკოლადი უნდა შეიცავდეს 3,5% კაკაოს ცხიმს, მშრალი რძის 14%-ს და კაკაოს ზეთის 20%-ს. აშშ-ში ასევე არსებობს დებულება, რომ შოკოლადი არ უნდა შეიცავდეს 55%-ზე მეტ სხვადასხვა სახის დამატკბილებლებს, მაგალითად შაქარს და სხვ. 

თეთრი შოკოლადის ისტორია

ზოგადად შოკოლადი ძალიან დიდი ხანია არსებობს. ამერიკის კონტინენტზე ჯერ კიდევ ჩენს წელთაღრიცხვამდე 1900 წელს მას როგორც სასმელს ისე იყენებდნენ. აცტეკების იმპერიაში ის ძალიან ფასეული იყო და ხშირად როგორც ფულის ერთეული და გადასახადის გადახდის საშუალება იყო. ევროპაში შოკოლადი შემოვიდა 1502 წელს "ახალ სამყაროში" კოლუმბის მეოთხე მოგზაურობის შემდეგ. 

სტანდარტული შოკოლადი მსოფლიოში 1930 წლამდე ერთპიროვნულად ბატონობდა. რა თქმა უნდა არსებობდა ჩვეულებრივი შოკოლადის მრავალი სახეობა, მაგრამ ის მაინც ერთი შემადგენლობის და ფერის იყო. და აი, გასული საუკუნის 30-იან წლებში Nestlé-მ გამოიგონა Milkybar - თეთრი შოკოლადი, რომელიც იყო კაკაოს მარცვლებისგან მყარი მუქი ნაწილების გამოცალკევების შედეგი. ცხიმებით მდიდარ კაკაოს ზეთს აღნიშნული ნაწილაკები აღარ ერეოდა და შოკოლადმაც თეთრი ფერი მიიღო. ძალიან მალე ეს ტკბილეული უაღრესად პოპულარული გახდა, მეტიც ის სხვადასხვა საკონდიტრო ნაწარმისა და სასმელის დასამზადებლად იყენებენ. 

მიუხედავად ამისა, თეთრ შოკოლადს შოკოლადის სტატუსი მხოლოდ 2004 მიენიჭა - ათწლიანი განხილვის შემდეგ FDA-მ დააკმაყოფილა მწარმოებელთა პეტიცია და ის "შოკოლადთა ოჯახში" მიიღო.