ლედი დის საფლავის სკანდალური ამბავი სამეფო კარზე - მოგონილი ანდერძი და ფინანსური სარგებელი?

იპოვის თუ არა „ხალხის პრინცესა“ ოდესმე სიმშვიდეს? - უცხოურ მედიაში პრინცესა დიანას ნეშტის შესაძლო გადასვენებაზე მორიგი სკანდალური ცნობები ვრცელდება.

29 წელი გავიდა მას შემდეგ, რაც პრინცესა დიანა მისი საგვარეულო მამულის, ალთორპ ჰაუსის (Althorp House) ტერიტორიაზე მდებარე პატარა კუნძულზე დაკრძალეს. თუმცა „ხალხის დედოფალი“ სიმშვიდეს ვერ პოულობს - მისი მემკვიდრეობის გამო მწვავე დაპირისპირება მიმდინარეობს. ეს უთანხმოება, რაც ყველაზე გასაკვირია, მის საყვარელ ვაჟებს - უილიამსა და ჰარის (- შორის გრძელდება.

სიტუაცია კიდევ უფრო იძაბება. ვრცელდება ინფორმაცია, რომ ჰარის, რომელიც მეუღლესთან, მეგან მარკლთან ერთად აშშ-ში ცხოვრობდა, თითქოს დედის უკანასკნელი ანდერძი აქვს. დოკუმენტის მიხედვით, დიანას სურდა, ამერიკაში დაეკრძალათ - მის საოცნებო ქვეყანაში, სადაც მან ოდესღაც მცირე ხნით თავისუფლება იპოვა, მეფე ჩარლზისა და სამეფო კარისგან შორს.

ტაბლოიდების ცნობით, ეს გეგმა იდეალურად ჯდება მეგანის ინტერესებში, რომელიც დიანას შესახებ Netflix-ის დოკუმენტურ პროექტზე მუშაობს. ფილმის ჩვენება, სავარაუდოდ, მომავალ წელს, დიანას გარდაცვალების 30-ე წლისთავზე იგეგმება.

ამასთან, ვრცელდება ცნობები, რომ მეგანი მილიონიანი ბიზნესის შექმნასაც გეგმავს: იგი ჰარის გრძნობებით მანიპულირებს და სწორედ მან მიაწოდა იდეა, რომ დიანას ნეშტი ამერიკაში გადაასვენონ. ჩანაფიქრის მიხედვით, მონტეციტოში დიანას მემორიალური ადგილი უნდა მოეწყოს შესასვლელი ბილეთებითა და სუვენირების მაღაზიით, რაც დიდ მოგებასა და პოპულარობას მოიტანს.

აღნიშნულმა ცნობებმა უილიამისა და მისი მეუღლის, ქეით მიდლტონის უკმაყოფილება გამოიწვია. ისინი აცხადებენ, რომ არ დაუშვებენ დიანას ხსოვნით სპეკულირებასა და მის კომერციულად გამოყენებას. უილიამის პოზიციით, დიანა საკუთარ კუნძულზე უნდა დარჩეს, რათა სამუდამო სიმშვიდე შეინარჩუნოს.