რა თვისებები უშლის ხელს ქალს, რომ ნამდვილ სიყვარულს შეხვდეს

ფსიქოლოგების აზრით, არსებობს ელემენტარული "ცუდი ჩვევები", რომელიც, შეიძლება, ქალს ნამდვილი სიყვარულის პოვნაში  უშლიდეს ხელს.

აგრძელებთ წარსულ ურთიერთობებში ცხოვრებას

გაინტერესებთ თქვენი ყოფილი - როგორ არის ის და იპოვა თუ არა ვინმე, თვალს ადევნებთ მის სოციალურ ქსელებს. სინამდვილეში, თქვენ მას ეჯიბრებით, ვინ უფრო ბედნიერი იქნება და ვინ უფრო მალე იპოვის მეწყვილეს. ან შესაძლოა სხვა სიტუაცია გაქვთ - წინა დაშორება მტკივნეული იყო და თქვენ იტანჯებით, ცდილობთ ფრთხილად მოიქცეთ საპირისპირო სქესის ადამიანთან.

ოცნებობთ იდეალურ ადამიანთან შეხვედრაზე

თავში იდეალური პარტნიორის სურათი გაქვთ და მხოლოდ ის ერთი გჭირდებათ. მაგრამ ასეთი ფანტაზიები მხოლოდ ამცირებს ვინმეს შეყვარების ალბათობას. "იდეალური პარტნიორი" იმდენად იშვიათია ცხოვრებაში, რომ შერჩევითობამ შეიძლება მარტო დაგტოვოთ.

გეშინიათ რისკისა და ცვლილებების

იმისათვის, რომ საკუთარ თავს მისცეთ საშუალება, შეხვდეთ თქვენს სიყვარულს და დაამყაროთ ახალი ურთიერთობები, უმჯობესია შეცვალოთ რაღაც მაინც თქვენს ცხოვრებაში - იარეთ სხვადასხვა მარშრუტით, იპოვეთ ახალი ჰობი და მოულოდნელად აღმოჩნდებით ისეთ ადგილას, სადაც აქამდე არასდროს ყოფილხართ. შეცვალეთ თქვენი გარემო. არსებობს არა მხოლოდ ახალი ადამიანების გაცნობის, არამედ მომავალი პარტნიორის პოვნის შესაძლებლობა.

მიჩვეული ხართ ნაჩქარევი დასკვნების გამოტანას

ზოგჯერ შემთხვევითი ადამიანი შეიძლება გახდეს თქვენი ცხოვრების სიყვარული, მაგრამ თქვენი კატეგორიული ხასიათის გამო, ხშირად უარს ამბობთ ვინმესთან შეხვედრაზე. ზოგჯერ ღირს ინტერესის გამოხატვა იმ ადამიანის მიმართ, ვინც გაბედა თქვენთან დაახლოება. არ დააიგნოროთ, უბრალოდ სცადეთ თქვენი თანამოსაუბრის გაცნობა.

შეპყრობილი ხართ ფიქრებით

შეყვარების აკვიატებული სურვილი მხოლოდ ხელს შეგიშლით. არ უნდა შეადაროთ თავი მეგობრებს, რომლებიც უკვე არიან ურთიერთობაში ან ბედნიერ ქორწინებაში. ბევრად სჯობს ღრმად ჩაიხედოთ საკუთარ თავში და შეეცადოთ გაიგოთ, მართლა გსურთ თუ არა ურთიერთობა.