რომელი დღეები იქნება 2024 წლის მარტში ყველაზე იღბლიანი

ასტროლოგიური პროგნოზი

2024 წლის მარტი მართლაც რომ გამორჩეული თვე იქნება. შეგიძლიათ, მოგზაურობა, ყველაზე ამბიციური პროექტები, საკუთარი საქმის წამოწყება, რაიმეს შესწავლა, გაუმჯობესება თამამად დაგეგმოთ და შესაბამის შედეგსაც დაელოდოთ. დიდ ენერგიასა და მოტივაციას იგრძნობთ და შეგეძლებათ, რეალური, თქვენთვის სასარგებლო ცვლილებები გამოიწვიოთ.

მარტის თვისთვისაც მთვარის კალენდრის მიხედვით ასტროლოგებმა ყველაზე ხელსაყრელი და შედარებით საყურადღებო თარიღები დაასახელეს, რომლებიც დაგეხმარებათ, რომ თქვენი გეგმების განხორციელება სწორ დროს დაიწყოთ.

2024 წლის 10 მარტს თევზების ნიშანში ახალი მთვარეა. როგორც ასტროლოგები ამბობენ, ამ დღეს ჯობს, დრო ენერგიის აღდგენასა და დასვენებას დავუთმოთ. თევზები ერთ-ერთი ყველაზე ემოციური ნიშანია. ამიტომაც, ნუ გაგიკვირდებათ, თუ მომატებულ შფოთვას, ემოციურობას, უიმედობას იგრძნობთ. ამავდროულად, შესაძლოა, კონცენტრაცია გაგიჭირდეთ. იმის გამო, რომ მომატებულ ემოციურობას გრძნობთ, არასწორად აღიქვათ გარკვეული ფრაზები, სიტყვები და კონფლიქტურ სიტუაციაშიც აღმოჩნდეთ. ამიტომაც, ჯობს, დრო მშვიდად გაატაროთ, იფიქროთ სამომავლო გეგმებზე, მოინიშნოთ იდეები, განსახორციელებელი საქმეების შესახებ ინფორმაცია და მომდევნო დღეებში რეალური ნაბიჯებიც გადადგათ.

2024 წლის 25 მარტს სავსე მთვარეა. როგორც ასტროლოგები ამბობენ, სავსე მთვარე ადამიანზე განსაკუთრებულ გავლენას ახდენს, ამიტომაცაა, რომ, როგორც წესი, მოზღვავებულ ენერგიას ვგრძნობთ, თუმცა ფიქრები და ემოციები ქაოსურია. ამ შემთხვევაშიც, კონფლიქტების რისკი იზრდება. სავსე მთვარე სასწორის ნიშანში იქნება. ეს იმას ნიშნავს, რომ ნებისმიერი შემოქმედებითი, კრეატიული საქმე, პროექტი, რომელზეც აღნიშნულ დღეს გადაწყვეტთ მუშაობას, უნიკალური იქნება და საოცარ შედეგს გამოიღებს.

1-9 მარტი - კლებადი მთვარის პერიოდია

11-24 მარტი - მზარდი მთვარის პერიოდია

26-31 მარტი - კლებადი მთვარის პერიოდია

ყველაზე ხელსაყრელი დღეები 2024 წლის მარტისათვის:

ყველაზე ხელსაყრელი დღეებია: 14, 20, 21, 23 მარტი.

აღნიშნულ დღეებში შეგიძლიათ, ყველა მნიშვნელოვანი საქმის, პროექტის განხორციელება, ცვლილებები, მოლაპარაკებები, იმიჯის შეცვლა, რაც გსურთ, დაგეგმოთ - შედეგით კმაყოფილი დარჩებით. დიდ ენერგიასა და მოტივაციას იგრძნობთ და ნახავთ, რომ ის საქმეები, რომლებიც ადრე გერთულებოდათ, ახლა მარტივად გამოგდით, უამრავი იდეა და საინტერესო აზრი გაქვთ და ოცნებების ასასრულებლად მზად ხართ.

14 მარტს მზარდი მთვარე კუროს ნიშანში იქნება. კურო შრომისმოყვარე, ერთ-ერთი ყველაზე გამორჩეული, პასუხისმგებლიანი და მიზანდასახული ნიშანია. ამიტომაც, შეგიძლიათ, ამ დღეს რაღაც ძალიან მნიშვნელოვანს ჩაუყაროთ საფუძველი.

20 მარტს მზარდი მთვარე ლომის ნიშანში იქნება. კომუნიკაციისთვის, მოლაპარაკებებისთვის, სასიამოვნო შეხვედრებისთვის, ვარჯიშისა და კვების რეჟიმის ცვლილების, ახალი საქმეების წამოწყებისთვის იდეალურია.

21 მარტს კი ენერგეტიკულად ერთ-ერთ ყველაზე ძლიერ თარიღად თვლიან. მეტიც, ასტროლოგები მას გამარჯვებების დღეს უწოდებენ.

23 მარტს მზარდი მთვარე ქალწულის ნიშანში იქნება - რეორგანიზაციისთვის იდეალური დღეა. გარემოდან დაწყებული, პიროვნული ნიშნებით დამთავრებული, შეგიძლიათ, გათავისუფლდეთ ყველაფრისაგან, რაც ზედმეტი და მოძველებულია. ასევე, შეგიძლიათ, დრო თვითგანვითარებას დაუთმოთ. ამ მიმართულებითაც წარმატებას მიაღწევთ.

გარდა ჩამოთვლილი თარიღებისა, ხელსაყრელი დღეებია: 13 მარტი, 19 მარტი, 22 მარტი და 24 მარტი.

13 მარტი იდეალური დღეა ნებისმიერი საკითხის მოსაგვარებლად, უთანხმოებების განხილვისა და შეთანხმების მისაღწევად.

19 მარტს ჯობს, დრო საყვარელ ადამიანებსა და ახლობლებს დაუთმოთ. მათთან კომუნიკაცია, სასიამოვნო დიალოგი ძალიან დიდ მოტივაციას მოგცემთ და დადებითი ემოციებით დაგმუხტავთ.

22 მარტს ასტროლოგები გადამწყვეტი მოქმედებების დღეს უწოდებენ. შეგიძლიათ, საბოლოოდ დაიწყოთ, ან დაასრულოთ ის, რაზეც დიდი ხანია ფიქრობთ. ამ დღეს კარმული ეფექტი აქვს. თუკი სიკეთეს გამოხატავთ, ქველმოქმედებაში ჩაერთვებით, ადამიანებს დაეხმარებით, კეთილგანწყობას გამოხატავთ, ეს ემოციები უკან ორმაგად დაგიბრუნდებათ.

24 მარტი, 23 მარტის მსგავსად, გათავისუფლების დღეა. გეძლევათ შანსი, გათავისუფლდეთ იმ ემოციებისაგან, რომლებმაც თქვენი ცხოვრება შეცვალა და წინსვლაში ხელი შეგიშალათ. დაფიქრდებით განვლილი დღეების შედეგებზე და მნიშვნელოვან დასკვნებსაც გამოიტანთ.

მასალის გამოყენების პირობები
სხვა სიახლეები
ირანი
ირანმა, შესაძლოა, უახლოეს 24 საათში ისრაელზე მასიური სარაკეტო შეტევა განახორციელოს - CBS

ირანმა, შესაძლოა, უახლოეს 24 საათში ისრაელზე მასიური სარაკეტო შეტევა განახორციელოს, იუწყება CBS აშშ-ის მთავრობის წყაროებზე დაყრდნობით. მათი თქმით, თავდასხმა ისრაელის სამხედრო ობიექტებზე იქნება მიმართუ...

მსოფლიო 1712962500

თეთრი სახლი
თეთრ სახლში აცხადებენ, რომ ისრაელზე ირანის თავდასხმის საფრთხე რეალურია

ისრაელზე ირანის თავდასხმის საფრთხე რეალურია, – ამის შესახებ აშშ-ს პრეზიდენტის ადმინისტრაციის ეროვნული უსაფრთხოების საბჭოს პრესსპიკერმა, ჯონ კირბიმ განაცხადა. თეთრი სახლის წარმომადგენლის თქმით, შეერთებ...

მსოფლიო 1712960940

ჯანგირაშვილი
"ჩემი აზრით ოცნებამ ერთი კარგი საქმე მაინც გააკეთა რუსული კანონის ინიცირებით" - რას წერს ნინო ჯანგირაშვილი

"ჩემი აზრით ოცნებამ ერთი კარგი საქმე მაინც გააკეთა რუსული კანონის ინიცირებით. ახალგაზრდები ბოლოს და ბოლოს ზუსტად მიხვდებიან, რატომ უნდა მიბრძანდნენ აუცილებლად არჩევნებზე და რატომ უნდა გამოდღლიზონ თავი...

სოცმედია 1712954100

გოგოტიშვილი
"აუცილებლად დაიწყებს სულ მალე. ვიყოთ რეალისტები..." - თენგო გოგოტიშვილი

"საქართველოში ათობით ათასი ლაზარეა - ვის დასაჭერადაც ბორიას ხელები ექავება. და აუცილებლად დაიწყებს სულ მალე. ვიყოთ რეალისტები" წერს თენგო გოგოტიშვილი.

სოცმედია 1712953680

ხარანაული.jpg
"რა ივლიდა ცხრა ზამთარი და ცხრა გაზაფხული, ახალგაზრდა კაცის ცოდვით გაღუნული" - ბესიკ ხარანაული ლაზარე გრიგორიადისის შეწყალებაზე

"ღმერთმა გიშველოთ! რა ივლიდა ცხრა ზამთარი და ცხრა გაზაფხული, ახალგაზრდა კაცის ცოდვით გაღუნული." წერს ბესიკ ხარანაული ლაზარე გრიგორიადისის შეწყალებაზე.

სოცმედია 1712953380

სანაია
"ვიღაც ქალები ჰყავს სტუმრად - ამ შეწყალების გამო ნოე ჟორდანიას წყევლიან" - რას წერს ვახო სანაია

"თამუნამ პოსტივი ჩამირთო, ეს უნდა ნახო, გინდა თუ არაო. შალვა რამიშვილს რომ დედა აქვს მოტ@ნული, ეგ არაფერი. ვიღაც ქალები ჰყავს სტუმრად - ამ შეწყალების გამო ნოე ჟორდანიას წყევლიან." წერს ვახო სანაია.

სოცმედია 1712953140