საუკუნის დასასრულს ჩრდილოეთ და სამხრეთ პოლუსი ადგილს შეიცვლის - კვლევა, რა ელის დედამიწას კლიმატის ცვლილების შედეგად

უახლესი მეცნიერული კვლევის შედეგად დადგინდა, რომ კლიმატის ცვლილებამ და ყინულის დნომბამ შესაძლოა დედამიწის გეოგრაფიული პოლუსების მდებარეობა შეცვალოს.

ყინულის დნობისა და ოკეანის მასის პლანეტაზე გადანაწილებიდან გამომდინარე, რასაც თან ახლავს პლანეტის ბრუნვის ღერძის ცვლილებაც, 2100 წლისთვის, შესაძლოა ჩრდილოეთ და სამხრეთ პოლუსებმა სხვა ადგილზე გადაინაცვლონ, დაახლოებით 89 ფუტამდე (27 მეტრამდე), შედარებით ოპტიმისტური სცენარის მიხედვით, პოლუსი 1900 წლის მდებარეობასთან შედარებით 12 მეტრით გადაადგილდება. სიმულაციებში ამ პროცესში ყველაზე დიდი როლი გრენლანდიასა და ანტარქტიდაზე ყინულის დნობის შედეგად გამოყოფილმა წყალმა შეასრულა, შემდეგ კი, მყინვარების გალღობამ.

5 მარტს, Geophysical Research Letters-ში  გამოქვეყნებული კვლევის თანახმად, ცვლილებამ შეიძლება გავლენა მოახდინოს თანამგზავრისა და კოსმოსური ხომალდის ნავიგაციაზე.

„ეს ეფექტი გარკვეულწილად აღემატება გამყინვარების იზოსტატიკური კორექტირების ეფექტს, სხვა სიტყვებით რომ ვთქვათ, პლანეტის ქერქის ზედაპირზე გამყინვარების ხანის მყინვარების სიმძიმის გამო ჩაიძირა, ხოლო დნობის შემდეგ ზემოთ ამოვიდა, რაც ცვლის წონის განაწილებას დედამიწის ქერქში და ცვლის პოლუსებს”, - განუცხადა Live Science-ს კვლევის თანაავტორმა, ვენის უნივერსიტეტის დედამიწის მეცნიერმა, მოსტაფა ქიანი შაჰვანდიმ.