“ახალი ხედვის” სამედიცინო ბალიშები

სამედიცინო ბალიშის გამოყენება რეკომენდებულია იმ ადამიანებისთვის, ვისაც კისრისა თუ წელის არეში დაჭიმულობის შეგრძნება და ძილის პრობლემები აწუხებთ. თუმცა, მედიკოსები მიიჩნევენ, რომ ქრონიკული კისრის ტკივილის მქონე ან წნევის მატარებელმა ადამიანებმა კისრის ორთოპედიული ფიქსატორი ყოველდღიური საქმიანობის დროსაც უნდა გამოიყენონ. სწორად შერჩეული სამედიცინო ბალიში ადამიანებს ჯანმრთელობის სხვადასხვა პრობლემის დაძლევაში ეხმარება. ამიტომ მომხმარებლები ყოველდღიურ ცხოვრებაში მას საკმაოდ აქტიურად გამოიყენებენ.  ორთოპედიული ბალიში აუმჯობესებს სისხლის მიმოქცევას და გამოიყენება ისეთი პრობლემების დროს, როგორიცაა: სუნთქვის გაძნელება, წელისა და  კისრის ტკივილი და სხვა. ასევე  სხეულს

სწორ მდგომარეობაში აფიქსირებს და ადამიანებს მშვიდად ძილში ეხმარება.  სამედიცინო ბალიშები ხელს უწყობს:

● სხეულის სწორ პოზიციონირებას;

● ტკივილის შემცირებას კისრისა და ხერხემლის არეში;

● აუმჯობესებს ძილის ხარისხს;

● ამცირებს დაჭიმულობასა და დაღლილობის შეგრძნებას.

კომპანია “ახალი ხედვა” მომხმარებლებს სამედიცინო ბალიშების მრავალფეროვან არჩევანს სთავაზობს. სამედიცინო ჯგუფის ეს პროდუქცია ანტიბაქტერიული მასალისგანაა დამზადებული და გარედან მას ანტიალერგიული ქსოვილი აკრავს. განვიხილოთ რამდენიმე მათგანი:

● სავარძლის ბალიში - რეკომენდებულია იმ ადამიანებისთვის, ვისაც დიდხანს ჯდომა უწევთ და კუდუსუნის არეში ტკივილი აწუხებთ. ის აუმჯობესებს მცირე მენჯში სისხლის მიმოქცევას, აფერხებს სწორი ნაწლავის ვენებში სისხლის შეგუბებასა და ბუასილის პროგრესირებას.

● რეფლუქსის საწინააღმდეგო ბალიში - განკუთვნილია იმ შემთხვევისთვის, თუ გულძმარვა გაწუხებთ. ბალიშს აქვს ამაღლებული ზედაპირი, რაც სხეულს სწორ მდგომარეობაში აფიქსირებს. ეს  კი საკვებს უკან დაბრუნების საშუალებას არ აძლევს.

● ორთოპედიული კისრის ბალიში - თავსა და კისერს სწორ პოზიციაში აფიქსირებს. ორთოპედიული კისრის ბალიშის ანატომიური ფორმა მშვიდი და კომფორტული ძილის გარანტიას იძლევა.

● სამგზავრო ბალიში - უზრუნველყოფს მშვიდ და სასიამოვნო მგზავრობას. მისი განსაკუთრებული ფორმა თავისა და კისრის მიდამოს სწორ მდგომარეობაში აფიქსირებს.

სამედიცინო ბალიშების შეძენა, თბილისის გარდა, გორში, ქუთაისსა და ბათუმში მდებარე „ახალი ხედვის“ ფილიალებში შეგიძლიათ. ასევე კომპანიის ოფიციალურ ვებგვერდზე შერჩეული სამედიცინო ნივთის შესყიდვა ონლაინ მეთოდითაც არის შესაძლებელი, შეკვეთას კი საქართველოს ნებისმიერ ადგილზე უმოკლეს ვადაში მიიღებთ.