ავადმყოფის მოვლის საშუალებები

ადამიანების მოვლა ავადმყოფობის პერიოდში ურთულესი პროცესია. თუმცა, არსებობს სამედიცინო საშუალებები, რომლებიც ამ დროს პაციენტებს საგრძნობლად ეხმარება. იქიდან გამომდინარე, რომ ადამიანის მოვლას უდიდესი ძალისხმევა და ნებისყოფა სჭირდება,  ავადმყოფის მოვლის თანამედროვე საშუალებების მნიშვნელობა საკმაოდ დიდია. ამ პროდუქციას, ძირითადად, ხანდაზმულობის, უნარშეზღუდულობის ან რაიმე სხვა გარემოებების გამო  იყენებენ. განვიხილოთ რამდენიმე მათგანი:

●  თვითგადასაადგილებელი საშუალებები - ადამიანებს დამოუკიდებლად გადაადგილებასა და მოძრაობაში ეხმარება. მისი გამოყენება  რეკომენდებულია მენჯ-ბარძაყის ოპერაციის შემდგომ, ინსულტის, ცერებრალური დამბლის დროსა და რეაბილიტაციის პერიოდში. ამ სამედიცინო ნივთებს ხშირად იყენებენ ხანდაზმულებიც. ისინი განსხვავდება გადაადგილების მექანიზმისა და წონითი დატვირთვის მიხედვით. საჭიროების შემთხვევაში პროდუქტის სიმაღლეში რეგულირებაც არის შესაძლებელი.

● კინეზიო ტეიპი - დაჭიმულობის, იოგების, მყესებისა და რბილი ქსოვილების დაზიანების სამკურნალოდ გამოიყენება. ის მნიშვნელოვნად ამაღლებს კუნთის  აქტივობასა და  მოძრაობას, რის გამოც ამ პროდუქტით ხშირად სპორტსმენები სარგებლობენ.

● ყავარჯენი - არსებობს იდაყვის და იღლიის, რომლებსაც აქვთ რეზინის  საყრდენები, რაც უსაფრთხოების გარანტიას იძლევა. შესაძლებელია მათი სიმაღლეში რეგულირებაც სურვილისამებრ.

●  შშმ პირთა ეტლი - თითოეული მათგანი განსხვავდება მასალით, ზომებით, წონითი დატვირთვით, ფუნქციებითა და შეირჩევა პაციენტის ინდივიდუალური საჭიროებებიდან გამომდინარე. ისინი ძირითადად,  არის კეცვადი, გააჩნია ფეხის საყრდენი და ხელის მუხრუჭი. ელექტრო და მექანიკური ეტლების გარდა, არსებობს მრავალფუნქციური ეტლი, რომელსაც აქვს მოძრავი საზურგე, ფეხის მოსათავსებელი, შესაძლებელია ასევე თავის დაფიქსირებაც სასურველ პოზიციაში.

ეს ნივთები ადამიანებს  ყოველდღიურ ცხოვრებაში ეხმარება და მდგომარეობას უმსუბუქებს.