ავადმყოფის მოვლის საშუალებები “ახალ ხედვაში”

ავადმყოფის მოვლის საშუალებებს მთელს მსოფლიოში ყოველდღიურად გამოიყენებენ. ამ პროდუქციის მნიშვნელობა საკმაოდ დიდია, რადგან ეს ნივთები ადამიანებს  ყოველდღიურ ცხოვრებაში ეხმარება და მდგომარეობას უმსუბუქებს. ავადმყოფის მოვლის საშუალებები პაციენტებს გადაადგილებაში, მოძრაობაში, აწევაში, წონასწორობის დაცვასა და სხვა ინდივიდუალური საჭიროებების მოგვარებაში ეხმარება. მომხმარებლებს ამ პროდუქციის დიდ არჩევანს კომპანია “ახალი ხედვა” სთავაზობს. სამედიცინო ჯგუფი ევროპული პროდუქციის ოფიციალური დისტრიბუტორია საქართველოში და წარმატებით ახორციელებს 1000-ზე მეტი დასახელების მოვლის საშუალებების იმპორტსა და რეალიზაციას.  განვიხილოთ რამდენიმე მათგანი:

● ნაწოლების ლეიბი - ძალიან მნიშვნელოვანი პროდუქტია მწოლიარე პაციენტის მოვლის პროცესში, რადგან ის ხელს უშლის ნაწოლების გაჩენას მწოლიარე პაციენტებში. ნაწოლების საწინააღმდეგო ლეიბს გააჩნია კომპრესორიც, რომელიც უზრუნველყოფს ჰაერის ცირკულაციას და აუმჯობესებს სისხლის მიმოქცევას, განსაკუთრებით, სხეულის იმ წერტილებში, რომლებიც განიცდიან ზეწოლას ხანგრძლივი წოლის პროცესში. შესაბამისად, ნაწოლების მატრასი არის საშუალება, რომლის გამოყენება აუცილებელია  კანის ატროფიისა და წყლულების ჩამოყალიბების პრევენციისთვის.

● იღლიის ყავარჯენი - ეხმარება პაციენტს დამოუკიდებლად გადაადგილებაში. მას გააჩნია რეზინის საყრდენები. პაციენტის სიმაღლის მიხედვით შეირჩევა შესაბამისი ზომა, სურვილის შემთხვევაში კი  მათი სიმაღლეში  რეგულირებაა შესაძლებელი.

● კინეზიო ტეიპი - ელასტიური დასაკრავი საშუალება, რომელიც ძალიან ეფექტურია დაჭიმულობის, იოგების, მყესებისა და რბილი ქსოვილების დაზიანების სამკურნალოდ.  ეს პროდუქტი  ასევე მნიშვნელოვნად ამაღლებს კუნთის  აქტივობას და ამცირებს დატვირთვას მასზე. ამ ყველაფრის გათვალისწინებით, მისი აქტიური მომხმარებლები არიან სპორტსმენები.

● თვითგადასაადგილებელი საშუალებები - მისი გამოყენება ძირითადად რეკომენდებულია რეაბილიტაციის პერიოდში.  ხშირად მას მენჯ-ბარძაყის ოპერაციის შემდგომ, ინსულტის ან ცერებრალური დამბლის დროს იყენებენ. ეს პროდუქტი პაციენტებს, რომელთაც მოძრაობა უჭირს, დამოუკიდებლად გადაადგილებაში ეხმარება.

● შშმ პირთა ეტლები - განსხვავდება მასალით, ზომებით, წონითი დატვირთვით, ფუნქციებითა და შეირჩევა პაციენტის ინდივიდუალური საჭიროებებიდან გამომდინარე. ეტლები არის როგორც ქოთნით, ასევე მის გარეშე.

ამ პროდუქციის შეძენა, თბილისი გარდა, შეგიძლიათ გორში, ბათუმსა და ქუთაისში. კომპანია „ახალი ხედვის“ ავადმყოფის მოვლის საშუალებების სრული კატალოგის სანახავად და დეტალური ინფორმაციის მისაღებად შეგიძლათ ეწვიოთ საიტს: www.akhalikhedva.ge. ამ ვებ-გვერდზე ასევე დარეგისტრირების შემდეგ შესაძლებელია, სასურველი სამედიცინო ნივთის გამოწერა.