ფიზიოთერაპია თანამედროვე სარეაბილიტაციო ცენტრში

ფიზიოთერაპია თანამედროვე რეაბილიტაციის  მნიშვნელოვანი ნაწილია და  ბოლო წლების განმავლობაში  კიდევ უფრო განვითარდა. თანამედროვე “ახალი ხედვის” სარეაბილიტაციო ცენტრში, ფიზიოთერაპია არ არის მხოლოდ მოძრაობასა და ფუნქციის აღდგენაზე ფოკუსირებული, მისი მეშვეობით პაციენტს  მკვეთრად უუმჯობესდება ცხოვრების ხარისხი და სწრაფად ახერხებს ჩვეულ ცხოვრების რიტმში დაბრუნებას.

ფიზიოთერაპიის,როგორც დარგის,ძირითადი მიზანია ტკივილის შემსუბუქება,მოძრაობის დიაპაზონის გაზრდა ,კოორდინაციის გაუმჯობესება და ზოგადი კეთილდღეობის ხელშეწყობა. ამ მიზნების მისაღწევად, კი თერაპევტები  სხვადასხვა ტექნიკებსა და ინტერვენციებს იყენებენ.

ფიზიოთერაპიის მეთოდები

ფიზიოთერაპია მოიცავს ტექნიკების ფართო სპექტრს. თანამედროვე თერაპევტები იყენებენ ტრადიციულ და მოწინავე ტექნოლოგიების  კომბინაციას,რომლებიც მორგებულია თითოებული პაციენტის ინდივიდუალურ საჭიროებებზე. რამდენიმე ძირითადი მეთოდია:

სამკურნალო ვარჯიშები - ფიზიოთერაპიის ძირეული კომპონენტია და მიზნად ისახავს საძლიერის,მოქნილობის,წონასწორობისა და გამძლეობის გაუმჯობესებას.
მანუალური თერაპია- მოიცავს სახსრებისა და რბილი ქსოვილების მობილიზაციის მეთოდებს. 
ელექტროთერაპია - იყენებს ელექტრო დენს სამკურნალოდ და ტკივილების შესამსუბუქებლად.
ჰიდროთერაპია - გულისხმობს წყალში შესრულებულ ვარჯიშებს. წყლის ბუნებრივი წინააღმდეგობა ხელს უწყობს კუნთების გაძლიერებას დამატებითი წონის გამოყენების გარეშე. 
სიცივისა და სითბოს თერაპია - თერმული მეთოდები გამოიყენება ტკივილის სამართავად,ანთების შესამცირებლად და შეხორცების ხელშეწყობისათვის. 

ფიზიოთერაპიის როლი რეაბილიტაციის პროცესში

ფიზიოთერაპიას მისი მრავალფუნქციურობის გამო,ბევრი დადებითი შედეგი აქვს. მისი ძირითადი როლია:

● ტკივილის მართვა

● მობილურობისა და ფუნქციის აღდგენა

● შემდგომი დაზიანებების პრევენცია

● ძალისა და კოორდინაციის გაუმჯობესება

● გულ-სისხლძარღვთა სისტემის გაუმჯობესება

● პოსტოპერაციული რეაბილიტაცია

● ნევროლოგიური რეაბილიტაცია

● ზოგადი კეთილდღეობის ხელშეწყობა 

ფიზიოთერაპია ეფექტურია ნებისმიერი ასაკის პაციენტისთვის და გამოიყენება ფართო სპექტრის დაავადებათა მკურნალობაში.  ძირითადი მდგომარეობებია:

● ორთოპედიული დაზიანებები : ძვალ-კუნთოვანი პრობლემების მქონე პაციენტებისთვის,( მოტეხილობა, დაჭიმულობა, ართრიტი, ქირურგიული ჩარევის შემდგომი რეაბილიტაცია და სხვა) ეფექტურია ფიზიოთერაპიის გამოყენება ძალის, მოქნილობისა და ფუნქციის აღსადგენად.

● ნევროლოგიური დარღვევები : ინსულტის, გაფანტული სკლეროზის, პარკინსონის დაავადების, ზურგის ტვინის ტრავმული დაზიანებების მქონე პაციენტებისთვის ფიზიოთერაპია ძალების აღმდგენ და კოორდინაციის გასაუმჯობესებელ როლს ასრულებს.

● სპორტული დაზიანებები : მწვავე თუ ქრონიკული სპორტული დაზიანებების დროს, ფიზიოთერაპია თავდაპირველი ფუნქციის დაბრუნების საუკეთესო საშუალებაა.

● ქრონიკული ტკივილი : ზურგისა და  კისრის ქრონიკული ტკივილის, ან ფიბრომიალგიის დროს , ფიზიოთერაპიის მეშვეობით შესაძლებელია ტკივილის წარმატებით შემსუბუქება და სიმპტომების მართვა.

● პედიატრიული მდგომარეობები : განვითარების დარღვევები, ცერებრალური დამბლა, პედიატრიული ორთოპედიული დაზიანებები და სხვა.

● კარდიოპულმონალური დაავადებები : რესპირატორული და კარდიოლოგიური პრობლემების მქონე პაციენტებს, ფიზიოთერაპია ეხმარება სუნთქვის, გულ-სისხლძარღვთა სისტემის გამძლეობის და საერთო ფიზიკური მდგომარეობის გაუმჯობესებაში.

● გერიატრიული ზრუნვა : ხანდაზმულებს შეუძლიათ ისარგებლონ ფიზიოთერაპიით ბალანსთან, მობილურობასთან და ასაკთან დაკავშირებული სხვადასხვა პრობლემების მოსაგვარებლად.

● პრევენცია: ფიზიოთერაპია არ გამოიყენება მხოლოდ დაზიანებების სამართავად, მისი მეშვეობით შესაძლებელია შემდგომ დაზიანებათა პრევენცია და საერთო კეთილდღეობის შენარჩუნება.