ინდივიდუალური სუპინატორები “ახალ ხედვაში”

ბრტყელტერფიანობის დროს ტერფი დეფორმაციას განიცდის და ამორტიზაციის უნარს კარგავს. ამ დროს ადამიანებს სიარულისას დაღლა და ტკივილი აწუხებთ. ტერფი არის სხვადასხვა ანატომიური სტრუქტურის ერთობლიობა, რომელსაც ვერტიკალურ მდგომარეობაში მთელი სხეულის წონა ეყრდნობა. რაც უფრო ძლიერია ტერფის ამორტიზაციის მექანიზმი, მით უფრო ნაკლებად იტვირთება და იღლება ხერხემალი და საყრდენი სახსრები. ამიტომ ამ და სხვა ტერფის დაავადებების პრევენციის მიზნით, აუცილებელია, რომ დროულად მივმართოთ სპეციალისტს და გამოვიყენოთ ინდივიდუალური სუპინატორი. ეს პროდუქტი:

● სიარულის ტერფის კორექციას უზრუნველყოფს;

● ტერფის არასწორი ფუნქციით გამოწვეულ პრობლემებს აწესრიგებს;

● ტერფს ანატომიურად სწორ მდგომარეობაში აფიქსირებს;

● ტკივილსა და დისკომფორტს ამცირებს.

კომპანია „ახალი ხედვა“ მომხმარებლებს უმაღლესი ხარისხის იტალიური დანადგარით ინდივიდუალური სუპინატორის  დამზადების სერვისს სთავაზობს. ღაბაშის დამზადება ტერფის ბაროპოდომეტრიისა და პოდოსკანირების შედეგად მიღებული ტერფის სამგანზომილებიანი სურათის საფუძველზე  ხდება. ბაროპოდომეტრი მაღალი რეზოლუციის მქონე პლატფორმაა, რომელიც ტერფის მდგომარეობას დინამიკაში –  სიარულის დროს იკვლევს, პოდოსკანირების დროს კი ხდება ტერფის კომპიუტერული სკანირება სტატიკურ მდგომარეობაში. აღნიშნული პროცედურა, ანუ პლანტოგრაფია,  ტერფის დეფორმაციების, თაღის მდგომარეობის, ზომებისა და  გადახრის კუთხეების შესახებ დეტალურ ინფორმაციას იძლევა. ამ მონაცემების საფუძველზე დგინდება ტერფის მდგომარეობა და განისაზღვრება შესაბამისი დიაგნოზი. კვლევის ბოლოს მზადდება ინდივიდუალური ღაბაში, რომელსაც საჭიროებიდან გამომდინარე,  გამოყენების ფართო სპექტრი აქვს. მისი ტარება ასევე ეფექტურია ისეთი მდგომარეობებისა და აქტივობების დროს, როგორიცაა: - სპორტული და პროფესიული დატვირთვა, ორსულობა, სქოლიოზი, რევმატული დაავადებები და ტერფის სხვა პათოლოგიები. მას აქვს როგორც სამკურნალო, ასევე საპროფილაქტიკო დანიშნულება.