"კიბოს მკურნალობის გასაღები" - ბიძინა კულუმბეგოვი ნობელიანტი მეცნიერების აღმოჩენაზე საუბრობს, რომელმაც ონკოლოგიაში გარღვევა მოახდინა

ალერგოლოგ-იმუნოლოგი, მედიცინის დოქტორი ბიძინა კულუმბეგოვი გადაცემაში „მეგი საჯაიას სამედიცინო პოდკასტი“ იმ გენიალურ აღმოჩენაზე საუბრობს, რომელმაც ონკოლოგიაში გარღვევა მოახდინა.

ექიმის განმარტებით, ავთვისებიან სიმსივნურ უჯრედებს აქვთ უნარი, „გამორთონ შუქი“ და იმუნური სისტემისთვის სრულიად უხილავნი გახდნენ. იაპონელი და ამერიკელი მეცნიერების (ტასუკუ ჰონჯოსა და ჯეიმს ალისონის) მიერ აღმოჩენილი იმუნოთერაპიული პრეპარატები კი სიმსივნეს სწორედ ამ „ფარს“ ართმევს.

„რა აღმოაჩინეს მათ? მათ აღმოაჩინეს მნიშვნელოვანი და გენიალური ამბავი. მათ იპოვეს ასეთი იმუნური სისტემის გასაღები, რაც იყო მთავარი. შესაბამისად, რას ნიშნავს ეს?

თუ ეს ჭიქა, რომელიც ჩემ წინ დევს, წარმოვიდგენთ, რომ არის სიმსივნური უჯრედი - სიმსივნურ უჯრედს აქვს ასეთი თვისება: ავთვისებიანი სიმსივნეები მათ ზედაპირზე წარმოქმნიან ისეთ მოლეკულებს, რომლებიც აიძულებენ თავის თავს, რომ როგორც შუქი და მანათობელია და ჩვენ ვიზუალურად კარგად უნდა გამოვჩნდეთ კამერების წინ, ესენი ამ შუქს აქრობენ, ანუ მათ ამ როზეტთან მიუწვდებათ ხელი. სიმსივნურ უჯრედს შეუძლია, ეს შუქი, რომელიც მას აბრმავებს და სხვა სხვებისთვის ხილულს ხდის, ხელი მიაჭიროს და გამორთოს.

ამიტომ, ავთვისებიანი სიმსივნე შეუმჩნეველი ხდება ამ მოლეკულების გამო, რათა მათ ზედაპირზე ვერ დაინახონ ჩვენმა იმუნური სისტემის უჯრედებმა.

სწორედ იაპონელმა მეცნიერმა და ალისონმა, ამერიკელმა მეცნიერმა, აღმოაჩინეს პრეპარატების ჯგუფი, რომლებიც აი ამ რეცეპტორებს - რომელთაც როზეტთან მიუწვდებათ ხელი და შუქს აქრობინებენ - აი, სწორედ იმათ აბლოკირებენ. ამ ფუნქციას ართმევენ კიბოს უჯრედს.

ამიტომ, წამალი თვითონ კი არ არის კიბოს საწინააღმდეგო იმუნური თერაპიის პრეპარატები, უბრალოდ, ამას რომ ვერ ჩააქრობს შუქის პირობებში - ჩირაღდნებში დამარცხებულ სიმსივნურ უჯრედს დაინახავს. ჩვენი T-ციტოტოქსიური ლიმფოციტი და ნატურალური ქილერი ლიმფოციტი მივა და გაანადგურებს. ამას აკეთებს სწორედ ეს წამალი - რომ ამან ეს ფუნქცია ვერ განახორციელოს და შუქი ვერ ჩააქროს“, - აცხადებს ბიძინა კულუმბეგოვი.