"მინდა გამოვეხმაურო დიუშენის სინდრომით დაავადებულთა აქციას... რამდენიმე დღეში, ამასთან დაკავშირებით საზოგადოებას მეტ ინფორმაციას მივაწვდით“ - სარჯველაძე

"მინდა გამოვეხმაურო დიუშენის სინდრომით დაავადებულთა აქციას, რომელიც ახლა მიმდინარეობს და რომელიც ვნებათაღელვის საგანი გახდა ბოლო დღეების განმავლობაში.ძალიან რთულ საკითხზე გვიწევს საუბარი, როდესაც დიუშენის სინდრომზე ვსაუბრობთ, ეს მართლაც უმძიმესი მდგომარეობაა, უმძიმესი დიაგნოზია ბუნებრივია და არ მინდა არასწორი შთაბეჭდილება შეიქმნას დამოკიდებულებებთან და პოზიციებთან დაკავშირებით. აბსოლუტურად კარგად მესმის იმ ძალიან დრამატული ემოციებისა, რომელიც აქვთ პაციენტებს, მათ მშობლებს, ოჯახის წევრებს, გულშემატკივრებს. აუცილებლად ამ რამდენიმე დღეში, თავს ვალდებულად ვთვლი რამდენიმე დეტალი უნდა დავაზუსტოთ და საზოგადოებას აუცილებლად მოვახსენებ ზოგადად ამ საკითხის ირგვლივ ყოველი ფაქტის გაშუქებით, ყოველი კლინიკური დასკვნის, ყოველი გარემოების, რომელსაც მნიშვნელობა აქვს და იმავდროულად ეს აუცილებელია იმისთვის, რომ ხალხი, ვინც დღეს ცდილობს პაციენტისა და მათი ოჯახის წევრების ემოციებით პოლიტიკური დივიდენდების მოპოვებას, ამ სიყალბეს ფარდა რომ ავხადოთ. ეს იქნება აუცილებლობა, ამიტომ სულ რამდენიმე დღეში, ამასთან დაკავშირებით საზოგადოებას მეტ ინფორმაციას მივაწვდით. ეს არ არის თან მარტივი საკითხი, რომელზეც იოლად სასაუბროა ეთერის მეშვეობითაც. ეს რთული და მეტად სენსიტიური საკითხია. მაგრამ მერწმუნეთ, რომ თუნდაც ამ დღეების განმავლობაში დუმილი, ეს არ აიხსნება იმით, რომ ნაკლებად ემპათიური ვართ. მერწმუნეთ, რომ ბევრი ახლა ვითომ გულშემატკივარზე მეტად გული შემტკივა და გული შეგვტკივა იმ ბავშვებისთვის" | განაცხადა მიხეილ სარჯველაძემ პროპაგანდისტული TV იმედის ეთერში