მხრების ფართოდ გავრცელებული პრობლემები

მსუბუქი ტრავმის დროსაც, როდესაც სახსარია ნაღრძობი ან დაჭიმული, რეკომენდებულია დაზიანებული კიდურის გარკვეული პერიოდით დაფიქსირება იოგოვანი და კუნთოვანი ქსოვილის მოსვენების, კიდურის დაზოგვისა და სწრაფი რეაბილიტაციის მიზნით. ერთი შეხედვით მსუბუქად ტრავმირებული სახსრის მკურნალობაც კი შესაძლოა პრობლემური გახდეს, თუ კი დროულად არ მიაქცევთ ყურადღებას. საბედნიეროდ, ხელის ყველა მოტეხილობა საოპერაციო არ არის  თუმცა, დიდი მნიშვნელობა აქვს როგორ გასწორდება და დაფიქსირდება მოტეხილი ფრაგმენტები. სწორი ფიქსაცია მოტეხილი ადგილების შეხორცებასა და დაზიანებული უბნისა თუ კიდურის სწრაფ რეაბილიტაციას უწყობს ხელს. აქედან გამომდინარე, ხშირად საჭირო ხდება სხვადასხვა დამხმარე საშუალების გამოყენება - როგორიცაა: მხრების ქამარი. მათ ადამიანები გამოიყენებენ როგორც პროფილაქტიკისა და მკურნალობის პროცესში, ასევე ხერხემლის სტაბილიზაციისა და ტკივილის შემცირების მიზნით. განვიხილოთ, რამდენიმე მათგანი:

● მკლავის ქამარი -  ხელს სასურველ პოზიციაში აფიქსირებს და ამცირებს ტკივილს. ხშირია მისი გამოყენება ართრიტის და ართროზის, ასევე მხრის მოტეხილობის ან ამოვარდნილობის, კუნთებისა და მყესების დაზიანება-დაჭიმვის დროს. მკლავის ქამარი ასევე ხელს უწყობს კუნთების სტაბილიზაციას.

● მკლავის ქამარი ბალიშით - გამოიყენება მხრის იმობილიზაციისთვის 45° -60°  განზიდვით მოტეხილობისა და ამოვარდნილობის დროს.

● მხრის ბანდაჟით სარგებლობენ წინამხრის მოტეხილობის და ამოვარდნილობის დროს. ასევე ეფექტურია მისი გამოყენება მხრის ძვლის მოტეხილობების, რბილი ქსოვილების დაზიანებისა და პოსტოპერაციული მკურნალობის შემდეგ. აუცილებელია ზომის სწორად შერჩევა, გამოყენებამდე  კი ექიმთან გაიარეთ კონსულტაცია.

● ნეოპრინის მხრის სამაგრი - გამოიყენება ტკივილით მიმდინარე მხრის ქრონიკული დაავადებების, ასევე სპორტული აქტივობებისა და მხრის დატვირთვის დროს. ის უზრუნველყოფს სახსარში სითბოს შენარჩუნებას და იცავს მხარს გარეგანი დაზიანებისგან.

მხრების ქამრების გამოყენების პერიოდი ინდივიდუალურად შეირჩევა, პაციენტის მდგომარეობის შესაბამისად. მათი გამოყენება საშუალოდ რამდენიმე კვირის ან თვის განმავლობაში შეიძლება დაგჭირდეთ. თუმცა გირჩევთ, რომ ამ საკითხზე კონსულტაცია პირად ექიმთან გაიაროთ.